JEREMIAH 17:11 - PATHIAN LEKHABU THIANGTHO (BSI)

¹¹ Diklo tak ah hausakna kholkhawmte chu, vavêng ama tui hilo opkeu gual a hiu ah; a khangdawng lai un ama chu nusia intiu in, a tawp phat leh a ngolnau kilang ta’n a.

JEREMIAH 17:11 ပူးပေါင်းရင်းမြစ်များ

JOB LEKHABU 20:21

A nêkbang bangma nutsia a nei pua’n, ziaziakchun, a nei leh lamte chun, sawt dai pua’n a.

SAM 49:13

Zia chu ngolhuai tak ah kimuangte thilchan chu ahi’n, a thil neiteu ah kihi’lung-awite tawpna ding chu ahi.

SAM 55:23

Himaleh, aw Pathian, nang in amau chu manthaina kawkhûk ah, pai lut in la tin; thisan sua mang leh thep mang mite chu, a dam sung ding uh kimkhat le dam zo pua’n au. Ke’n vang nang bep muang zing ing ka.

THUPILTE 13:11

Bailam tak ah hausakna kilakhawmte chu, bailam tak in kiamtha kit intin; tha gim tak ah neucha cha lakhawmtu vang chu pung in a.

THUPILTE 15:27

Lam diklo tak ah lawkna hawl ah du-âmte chun, a In sung â ding ah buaina a kisiam in; golgûkna dawilote chu vang hing in au.

THUPILTE 21:6

Zuau gen thiam ah go kichom khawm chu, phâisûm jing tawhbang leh thi’na thâng ahi.

THUPILTE 23:5

Hausaknate chu vak mu vuat le chinle a bei kawm ngal a, tha a hun nei un, muvânlâi van lam ah leng mang ziang tawhbang chu ahi ngal a.

THUPILTE 28:16

Vaihawmtu hetthiamna tasam chu mi bawl genthei ah pang bep ahi; himaleh, lawkna diklo dawilote damsung chu hisau in um in a.

THUPILTE 28:20

Mi ginum chu vangpha’n tin, hausat pai gawte chu gawt lo in suakcha pua’n au.

THUPILTE 28:22

Misungchip chun kin tak ah hausak a gua’n, a chung ah tâksapna hung tung ding ahi ti a hepuai.

THUPILTE 28:8

Sumpung lakhawm ah hausa taphot chu, migenthei khawtuate â ding ah lak khawm piak a hiu.

JEREMIAH 22:13

Diklo’na In kisak ah, diktatna pang lo ah a pindan chungnung bawlte chu, a chung uh a gik hi; zia gual mite chun a Invêngteu sepgimna man pelo in, a sepnau tha manle a pia puau a;

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

AMOS 3:10

A kulpiteu ah thagum sua’na leh, kisuamna kholkhawmte chun, thil dik bawl ding dan a hepuau hi, Lalpa‘n a tii.

MIKAH 2:9

Ka mite lak ah numeite chu a In nuam tak ua kipat in la deldok un; a chasenteu lak ah kipat in, ka lopina kumtuang â dingin la lamang tau hi.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

ZEPHANIAH 1:9

Zia ni chun, buphual chopkân ah, huhamna leh thepna a pu In hi’dim zosiate chu gawt ding ka hi.

ZEKARIAH 5:4

Keima sepai honte Lalpa ngei in ka gen ah, ka sawldaw ahi tai; tichun, migucha In ah lut intin, diklo tak ah ka min ah kihaksialte In ah le lut in a; zia In ah chun chêng den intin, zia In ah um, a thing leh suangte chule kâng tum ta’n a,” a tia.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

LUKA 12:20

Himaleh, Pathian in a kiang in, “Mi ngolpa! Tu’jan ah hin la hinna la ding a hiu. La thil guanggalte chu kua â ding a hita diam?, a ti’n.

1 TIMOTHI 6:9

Himaleh, hausak nuamte chu thepna’n a lut sek un, thil ngolhuai leh a hi’sethei nopnate thâng in a awk un, ziate chun siatna leh manthâina’n mite a tum lutsak sek ahi.

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.