JEREMIAH 17:10 - PATHIAN LEKHABU THIANGTHO (BSI)

¹⁰ A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 17:10 ပူးပေါင်းရင်းမြစ်များ

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

2 KHANGTHU 6:30

la umna van ah kipat in hun ngaitha’n la, ngaidam inla, a lungthim dungzui chiat un dawnhu in; nangma bep in mihing lungthim ngaituana la he ngal a.

JOB LEKHABU 34:11

Mi te’n a thilbawl dungjui chiat un thuk in, mi tin a khawsak dan tawh kituak chiat in, a chung un tunsak ding ahi ngâl a.

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

SAM 44:22

Nangma ziakin nitum ah tha in ka um zing un, belam thalup ding gual ah ngai ka hiu.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

SAM 7:10

Lungthim dik tak pute hukdokpa Pathian chu ka phaw ahi.

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

THUPILTE 12:14

Min a kam thiam man kinêk intin; a khut sepgim man chu piak hi’n a.

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

THUGENTU 9:3

Zia hi khawvel ah thil tung lak ah phalo ma ma khat chu ahi: Mitin chung ah kibang tak ah thil a hung tun mai hi. Zia mai chule hilo in, mi zosia lungthim hi phatlo na’n a dim in; a damsungsiau a lungthim ua ngolna dim in, zia nung chun mithite kiang lam a zuan tau hi.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

JEREMIAH 11:20

Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 12:13

Gehu bu a chîng un la lingga a ât tau a; tha chawl tak in sêmgim maleu le, bangma lawkna a mu puau hi. Lalpa lungnatna huaisia tak ziakin, a ga luak uh chu mualphopi ta’n au.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

JEREMIAH 21:14

La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 23:2

Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 32:19

la lemguat dan a mak ah, la thilbawl dan a lopi hi; la mit chun mihingte tawidan zosia a mu suak ah, mi tin chu a tawidan dungzui leh a thilbawl uh tawh kigûn tak ah thuk zing sek la hi.

EZEKIEL 11:5

Ziaphatchun, Lalpa thagau in ei hun thuam ah, ka kiang in, Lalpa‘n zia gual hin a gen hi, ti’n la: “Aw Israel Inkuante haw, la lungthim ua la ngaituanau chu ka hia’i.

EZEKIEL 14:5

a milimteu ziak ah ei la jamsan ta, Israel Inkuante lungchang chu ka tûktân theina dingin, zia tawhbang milim tam tak nei pum ah hungte chu Keima, Lalpa hin dawnhu ing ka.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 6:4

la thil piak chu a gûk ah a umtheina dingin; chutichun, la pa la thilhi’te a gûk ah a la musekpa chun hun dit in a.

JOHAN 2:25

A ziak chu, kuama gen piak hilo in, a man mihingte lungput dan chu a he suak hi

NASEPTE 1:24

Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.

ROMTE 8:27

Ama, lungthim sunggil lam ensui sekpa chun, Thagau lungthim leh ngaituate chu a hia’n, ziaziakchun, Pathian lung lam tawh kituak in mithiangthote â dingin a dot piak zing ahi.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

THUPUAN 20:12

Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.

THUPUAN 22:12

Ngai in, hung vak ziang ding ka hi tai; mi zosia a nasep dungzui chiat ua piak dingin ka kipakman ka kiang in a um tai.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.