JEREMIAH 17:1 - PATHIAN LEKHABU THIANGTHO (BSI)

¹ Judah gitlona chu thik kawlom, a mûk ah suang mantam zum ah zik a hi’n; a lunggil suangpêk leh a mâichâm ningbawk ah chun sutkuak ah zik ahi;

JEREMIAH 17:1 ပူးပေါင်းရင်းမြစ်များ

THUPILTE 3:3

Thutakna leh ginumna chun hun nusia kiu hen la, ziate chu la ngawng ah khivui gual in awk inla, la lunggil suangpêk ah zik lut in.

THUPILTE 7:3

la khutzungte ah chun but inla, la lunggil suangpêk ah chun zik lut in.

ISAI 49:16

En tiam in, ka khutpêk sung ah hin, ka hun zik lut la hi tai; la kulbângte chu ka ma-âng in a um zing hi.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 2:22

Changal leh sabon tam tak mang zo in, kisil ziang male chinle, la hi’khialna bepawn chu ka mu zing hi, Lalpa Pathian in a tii.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

HOSEA 12:11

Gilead ah thudiklo’na a um ah, bangmalo mai hung suak têi ding a hiu. Gilead ah chun bawngchalte’n a kithawi un, tichun, a mâichâmteu chu jawtlam chung ah, suang kisia khawm gual in hung um in a.

HOSEA 7:2

A gitlonau zosia ka he suak hi ti lam a ngaitua puau hi. Tu’hin, a thil bawlteu in a umchil ta’n, ka ma-âng ngei in a um tau hi.

HOSEA 8:11

Ephraim in gitlo thoina ding ah mâichâm a sukpun po leh, gitlona ding mâichâm bep a hung hitau hi.

THIAMPUTE LEKHABU 4:25

Thiampu’n gitlo thoina thisan neukhat a khutzung ah la’n, hâlmang thillat mâichâm ningbawkte nû intin, a dang cheng chu hâlmang thillatna mâichâm bul ah sungtha ta’n a.

ZEKARIAH 7:12

Sepai honte Lalpa chun jawlnei masate mang ah, a thagau ah thu a vaithâk leh a dan thupiakte chu a ngaisaklo’na ding un, a lungthimteu chu a sutâk zo tau a. Ziaziakchun, sepai honte Lalpa lungnatna huaisia tak chu a hung tung tai.

2 KORINTH 3:3

Khrista lekha, keimau zik, lekhatui ah hilo, Pathian hing Thagau ah zik, suangpek ah hilo, lunggil suang pek ah kizik chu la hi zawu hi, ti a kilang tangal a.