JEREMIAH 16:19 - PATHIAN LEKHABU THIANGTHO (BSI)

¹⁹ Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 16:19 ပူးပေါင်းရင်းမြစ်များ

1 LENGTE 20:23

Aram lengpa suakte chun a kiang in, “Amau pathiante chu mualchungte pathiante a hiu ah, ei uh sâng in a hatzaw tau hi; himaleh, phâicham in amau chu kidopi hi tiu; chutileh, amau sâng in hatzaw ngei ngei ding I hiu.

SAM 18:3

Pâk tâk Lalpa chu ko ing ka tin, tichun, ei do-te lakah kipat hukdam in um ing ka.

SAM 19:14

Aw Lalpa, ka suangpi leh ei Tanpa, ka kam ah thu pawtte leh, ka thinlung ah ka ngaituanate hi, la mit mu ah pom tâk hitau hen!

SAM 27:5

Lungdon ni chun a bitna mun ah ei sêlgu ding ahi’n, a humbitna puanbûk ah chun ei sêlgu’n tin, suangpi chung sâng takah ei lângkai ding ahi.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 46:7

Sepai honte Lalpa chun ei umpi a; Jakob Pathian chu I kisêlnau ahi.

SAM 62:2

Ama bep chu ka suangpi, ei hukhingpa leh ka kulpi ahi’n; kilîng him him pua’ng ka.

SAM 62:7

Pathian ah chun ka hukdamna leh ka lopina a um in; ka hâtna suangpi leh ka kisêlna chu Pathian ahi.

SAM 65:3

Ka thulimlonate chup mang ah ka um lai unle, nang in ka hi’khelna zosiau ei ngaidam ding la hi.

SAM 68:31

Aigupta gam ah kipat in sum-eng hun puau hen la; Ethiopia mite chun a khut uh Pathian lam ah, jak dingin kin-gang tau hen.

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

ISAI 44:10

Thilpha bawl thei lo pathian lim guanggal leh, milim siam ding chu kua a hem?

ISAI 44:20

Vut in a kivâk un, a ngaituanau mantheilo chun a pui mang ta’n, amau la kihukdam thei lo in, “Ka khut changlam ah ei thêm chavai ding kisiam hilo ka hem?” tina châng a he him him puau hi.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 62:2

Namtin in la dik zia hun mu’n tin uh, leng zosia’n le la lopina hun mu ta’n au; tichun, Lalpa‘n a hun phuak piak, min thak khat ah ko hung hita’n la.

JEREMIAH 10:3

Midangte chawndan haw chu a dik pua’n, gammâng ah thing a phûk un, mi khutthiam in a heicha’n a sui a;

JEREMIAH 10:5

A milimteu chu changmai lei ah, va-ak honna ding milim kisiam gual ahi’n, a pau thei puau a; chia chawn theilo a hiziak un, puak tawl tawl a ngai ui. Ziate haw chu lau kiu in, thil phalo a bawlthei puau ah, thilpha bawltheina le a nei diak puau hi.

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 17:17

Kei â ding ah tizat um hung hi kin; siatna hun ah ka kisêlna la hi’ngâl a.

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

EZEKIEL 11:16

Ziaziakchun, a kiang un: Lalpa Pathian in zia gual hin a gen hi: Amau chu nam dangte lak ah gamla tak in a koimang in, gam tin ah a la thejak ziang ta malengle, a chianau gam taphot ah, amau â dingin chom khat a mun thiangtho uh a la hi pek ding ka hi.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

HABAKKUK 3:19

Pathian, Lalpa chu ka hatna ahi; ama’n ka kengte hi sazuk keng gual in a siam ah, tângsâng tak ah chia thei dingin ei siam hi. La pu lian ding ah tingtang tawh sak ding.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

ROMTE 1:25

Pathian thutak chu juau ah chansak in, a Siampa chu ho sâng in, a thilsiamte chu ho in a tacha zaw tau ah; amau Siampa chu kumtuang ah pâk tâk ahi! Amen.

1 PETER 1:18

La pu leh pateu hun piaksawn, umdan phachuamlote ah kipat thil sethei, dangka leh sana ah tat la hi puau a,

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.