JEREMIAH 16:17 - PATHIAN LEKHABU THIANGTHO (BSI)

¹⁷ Ka mit in a um dan zosiau a mu suak ah, ka mu lona ding ah sêl mang thei ahi puau ah, a khawlonateu chule ka mulo ding ah sêlgûk thei a hipaw ngal a.

JEREMIAH 16:17 ပူးပေါင်းရင်းမြစ်များ

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

JOB LEKHABU 10:14

Gilo leng la, lei entha zing in, ka thulimlona ngainêp lo hial ding la hi’ngâl a.

JOB LEKHABU 31:4

Ama’n ka lampi zosia a mu’n, ka kalsuan zosia a sim zing hilo a hem?

SAM 109:15

Ziate chu Lalpa ma’n um zing hen la, ama hetzingna chu lei ah kipat in pai mang hita hen.

SAM 139:3

Ka chiana lampi leh ka i-mut lei enchian ah, ka umdan zosia la he suak hi.

SAM 33:15

a leng ua lungthim siam piak ah, a thilbawl dan zosiau en zui zingpa ngei chun.

SAM 51:9

Ka gitlona lak ah kipat la mai sêl inla, ka khawlona zosia thaimang ta’n.

SAM 90:8

Ka mantheilonau la ma’n la koi hen, a gûk ah ka gitlonateu chu, la mêlvâk in la koi ta’ngal a.

THUPILTE 15:3

Lalpa mit chu mun tin in a um a, mipha leh phalo a entha zing hi.

THUPILTE 5:21

Lalpa‘n mihing lampite chu a enkâi zing in, a lampiteu chu a enchian zing sek ngal a.

ISAI 29:15

Nang haw lemhiatna Lalpa ah kipat, thûk tak ah sêlgûk ding ngaitua leh, a gûk ah thilbawlte, “Kua’n ei mu em? Kua’n ei he em?” tite haw!

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

JEREMIAH 2:22

Changal leh sabon tam tak mang zo in, kisil ziang male chinle, la hi’khialna bepawn chu ka mu zing hi, Lalpa Pathian in a tii.

JEREMIAH 23:24

Ka mu theilo ding ah kisêlgû thei kua a hem um? Lalpa‘n a tii. Van hileh, lei chung hileh lua suak hilo ka hi em? Lalpa‘n a tii.

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

JEREMIAH 32:19

la lemguat dan a mak ah, la thilbawl dan a lopi hi; la mit chun mihingte tawidan zosia a mu suak ah, mi tin chu a tawidan dungzui leh a thilbawl uh tawh kigûn tak ah thuk zing sek la hi.

JEREMIAH 7:11

Zia In, ka min ah kisa hi nanghaw mit mu ah suammangte chênna hiziang ding a hem? Entha zing ka hi ti la he’nau hi, Lalpa‘n a tii.

EZEKIEL 8:12

Ziaphatchun, ka kiang in, “Mihing, Israel Inkuan ah upa vaihawmte’n, pindan sung thim nuai ah a milimteu bang law a hiu em ti la mu em? Amau in, ‘Lalpa‘n ei mu pua’n, Lalpa‘n gam hi a nutsia ahi tai,’ a ti ta’ngal un,” a hun tia.

EZEKIEL 9:9

Ama’n ka kiang in, “Israel leh Judah Inkuante thil bawl khial chu a huaisia ma ma hi; gam pumpi thisan sua’na’n a dim ah, khawpi sungle nunsiatna’n a dim zo tai; amau in, ‘Lalpa‘n gam hi a nungngat ta’n, Lalpa‘n en talo ahi,’ a ti’ngal ui.

ZEPHANIAH 1:12

Ziaphat chuleh, thaumei chawi in Jerusalem hawl ing ka tin, amau kimuang ah, a lungthim ua: “Lalpa‘n thilpha bawl pua’n tin, thil sia le bawl diak pua’n a,” ti zosia chu gawt ding ka hi.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.