JEREMIAH 16:15 - PATHIAN LEKHABU THIANGTHO (BSI)

¹⁵ mallam ah kipat leh gam tin ah thejakna kipat Israel mipite hun pui khawm kitpa Lalpa chu a hinnâk leh ti’na hun hung tung ding a hi. A pu leh pateu kiang ah piak ka la tiamna, a gam ua chun hun pui tung kit ding ka hi’ngal a, Lalpa‘n a tii.

JEREMIAH 16:15 ပူးပေါင်းရင်းမြစ်များ

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

JEREMIAH 24:6

Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

AMOS 9:14

Ka mi Israelte neinungna tungding kit ing ka tin, amau in khawpi chimsate chu siampha kit in lua in au. Grep phut intiu in, grep ga tuite chu dawn ta’n au; huante bawl intiu in, a ga ne ta’n au.

EZEKIEL 39:28

Namtin lak ah thejak in, amau gam ngei ah ka pui khawm kit tâk ziakin, Keima Lalpa hi a Pathian uh ka hi ti hun he ta’n au. Nam dang lak ah amau mi pakhat chale nusia lo ding ka hi;

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

JEREMIAH 31:8

Ngai un, mal gam ah kipat in hun pui ing ka tin, leimong gamla pen ah kipat in hun pui khawm in, a lak ua mitthûm leh kengbai, nauvop lai leh nauvei ah thuakgim lai, a leng un, mi tam tak chu, zia tak ah hin hung kit in au.

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 30:3

Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

JEREMIAH 50:19

Israelte chu a tatna mun un pui kit ing ka tin, Karmel leh Bashan ah ta kit in, Ephraim leh Gilead mualte ah chun vâ tak in ne ta’n au.

JEREMIAH 23:8

himaleh, “Mallam gam leh gam tin ah a la nawjakna gam zosia ah kipat, Israelte leh a suan a pâkteu hun puidok ah, hun puipa Lalpa chu a hin nâk leh,” hun ti zaw ta’n au. Zia phat chuleh, amau gam ngei ah chun chêng ta’n au.

JEREMIAH 23:7

Ziaziakchun, “Aigupta gam ah kipat Israelte a la puidokpa Lalpa chu a hin nâk leh,” a kiti lo’na ding hun chu hung tung ngei ngei ding ahi’n;

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JOEL 3:1

Judah leh Jerusalem vangphatna tundin kit hun a tun tak leh;

THILSIAM THU 28:15

La kiang ah um zing ing ka tin, la chiana tapo ah hun vêng zing ing ka tin, la kiang ah ka thugen hi ka bawl masang sia hun nusia lo ding ka hi,” a ti’n.

JEREMIAH 12:15

Ka lâkdaw zaw phat leh, amau chu lainat kit ta’ng ka tin, a gochannau leh a gam ma mau ah a leng un pui tung kit ding ka hi.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

AMOS 9:15

A gam un phu ing ka tin, a gam ding uh ka piak ah kipat chun bawdaw kit hita pua’n au, ti’n Lalpa, la Pathian un a gen hi.