JEREMIAH 16:13 - PATHIAN LEKHABU THIANGTHO (BSI)

¹³ Ziaziakchun, zia gam ah kipat hin hun sepdok ing ka tin, la pu leh pateu leh nang unle la het khak lo gam ah chun, a sûn a jan in pathian dangte na chu sêm ta’n lau, doisakna him him hun nei talo ding ka hi’ngal a,” ti in.

JEREMIAH 16:13 ပူးပေါင်းရင်းမြစ်များ

2 LENGTE 25:21

A tun phat un, Babulon Lengpa chun a mi puite chu a la that ah, Hamath gam ah Riblah mun ngei ah chun a la that sik sek tai. Zia gual tak ah chun Judah chu a gam ua kipat in puak daw in a um tau hi.

2 KHANGTHU 7:20

ka gam hun piakna kipat hin hun botdok ing ka tin, ka min dingah ka sukthiantho zawsa zia In hi ka muphâk lo ah chawn mang ing ka tin, nam tinte lak ah thuching leh pauchângthiatna hung hita’n a.

SAM 81:12

Tichun, a lungthim nop gual gual ua um dingin, ka thathawt ta ahi.

JEREMIAH 10:18

Lalpa‘n zia gual hin a gen ngal a: Tu’hun ah hin zia gam ah chêng zosia hi, sepdok phot ing ka tin; a chung un lungjinna tunsak ing ka, tichun, hethiam ta’n au.

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 15:14

La het ngai lo nau gam ah chunle mêlmate nasêm in hun pan sak ing ka; ka lungnatna mei chu a kuang ta’ngal a; zia mei chun hun kâng zing ta’n a, ti in.

JEREMIAH 15:4

Hezekiah chapa lengpa Manasseh in Jerusalem ah a thilbawl ziak in, lei chung lenggam zosiate tizat dingin amau chu hun siam ding ka hi.

JEREMIAH 16:5

Lalpa‘n zia gual hin a gen a: lusûnna In ah lut kin la, a sûn ding inle chia kin la, amau ziak inle lungkham him him kin; zia mite lak ah kipat hin ka thamuanna, ka ngilneina leh ka lainatnate chu ka lakmang ahi ta’ngal a, Lalpa‘n a tii.

JEREMIAH 17:4

La gochan ding ah ka hun piaksate zosia khale, nangmau gitlona ziakin mansua in la tiu in; tichun, la het ngai lo gam ah chun la gâlteu nasêm in hung pang ta’n lau; ka lungnatna mei, kumtuang ah hun kâng zing ding chu sêm kuang ahi ta’ngâl a.

JEREMIAH 22:26

Nangma leh a hun hingnu chu gam dang, la pianna gam hilo ah chun hun deldok ing ka tin, zia tak ah chun hung thiden ta’n lau.

JEREMIAH 22:28

Zia hi bêl sesa, kuama’n bangma a ngai lo leh, kuama’n a dawi tâk lo uh, Koniah kha hilo ahi em? Bang ding ah ama leh a suan leh pâkte chu, a het ngai lo nau gam ah, nawdaw ah um ziang a hitau em?

JEREMIAH 5:19

Chuleh, la mipite’n bang ding ah, Lalpa I Pathian un zia zosia hi, I chung ua hun tunsak ahi dia aw? ti ah a hun dot phat ua leh a kiang un, “Keima ei nusia in, la gam sung un pathian dangte lei hosan tâk ziak un; la gam uh hilo ah chun, nam dangte na sep piak ta’n lau,” ti’n gen in a tii.

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.

DAN LEKHABU 29:28

Lalpa‘n lungna tak leh hachang thak leh thangtawm ma ma in a gam ua kipat botdok in, gam dang in a naw lut in, tu’ni a um gual uh hi a tuak tau ahi,” a la ti’n au.