JEREMIAH 15:9 - PATHIAN LEKHABU THIANGTHO (BSI)

⁹ Cha sagi neinu chu hatsam ah chausia’n, a hat lâk ding bep a buaipi tai; sûn lai tak in a nisa chu a tum tai; zakcha leh mualpho tak in a um tai. A dang cheng chu a mêlmateu âng ah chemjam ah, thalup dingin pia ta’ng ka, Lalpa‘n a tii.

JEREMIAH 15:9 ပူးပေါင်းရင်းမြစ်များ

ISAI 47:9

Himaleh, ni khat thu in, phutlo in zia thil zosia chu hun tuak ding la hi. Dawithiam leh âisân thiam bang jat nei malechin, la chate hun sûn in la tin, meithâi hung hiding la hi.

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 44:27

A phatna ding uh hilo, a siatna ding un amau chu chânggu zing ding ka hi; Aigupta gam ah Judah mite zosia chu, pakhat chale hawi lo in, chemjam leh kial in that gam sik sek ding ka hi.

JEREMIAH 50:12

la nu chu huaisia tak ah hung mualpho in, nang hingnu chu hung minsia ta’n a. Ngai un, ama chu nam lak ah nuainung pen leh, gamthip, gamgawchâk leh gamkeu hung hi’n a.

JEREMIAH 6:4

“Jerusalem do dingin kisau inla; kipan un, sûnchang lai tak in sim hitiu!” A khawkna e! Nisa a kâi ta’n, nitâk lam lîm le a sau ta na e!

JEREMIAH 7:19

Keima ei sulungna ding ah a bawl uh ahi em? Lalpa‘n a tii. Amau kisuknatna ding ah a bawl uh hilo a hem?

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

KÂ LATE 4:10

Mi lungsiat thiam numeite khut in, amau chate sa a huan tau in; ka mite siatna tuak ni chun a an uh a hung hi tai.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

EZEKIEL 5:13

A chung ua ka lungnatna butit ing ka tin, a chung ua ka thangtawmna sungtha’ng ka tin, ka lungdam ta’n ah; ka mitthîpna ziak ah Keima, Lalpa hin, a chung ua ka lungnatna buntha ka hi, ti hun he ta’n au.

1 SAMUEL 2:5

Mi kiningtingte chun nêk kawm ding a kilaw tau in, mi gilkialte chu vang gâl lâkah suk-hausat in a um tau hi. Cha nei theilonu chun pasagi a nei ta’n, cha tam tak neinu chu a thawmhau tai.