JEREMIAH 15:7 - PATHIAN LEKHABU THIANGTHO (BSI)

⁷ A umchan uh a khiam lo ziak un, gam sung ah kotpi bul tincheng ah, bu vokna mol ah vua’n ka thîtchil tai; a cha leh nauteu ka sûn sak ta’n, ka mipite chu ka that gam tai.

JEREMIAH 15:7 ပူးပေါင်းရင်းမြစ်များ

SAM 1:4

Mi nunsiate vang zia gual chu ahi puau hen, busi hui in a tawmang gual bep ahi zawu hi.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 9:12

sualam ah Suriate leh tumlam ah Philistinte chun, a kam uh kasa’ la pang in, Israelte chu a la val zo in au. Zia gual ah a bawl zaw nung chunle, a lungnatna a dai diak puai; a khut chu a lâm nalai ngal a.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 51:2

Babulon ah a sî sêp chil ding hun sawl ing ka tin, hun sêp chil in au. Zia gual ah buaina ni chu, kiltin ah kipat a hung tun phat leh, a gam chu hun su’awng in a.

JEREMIAH 9:21

“Khawlai tual ah I chateu that ding leh, kiltin ah kipat tangvalte that dingin, thi’na chu I tukvan ua hung lut in, I lal Insungteu inle a lut tai”.

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

EZEKIEL 24:25

Mihing, nang vang chu a kulpiteu, a kipaknau leh a lopinau, a mit uh limna pen leh a lungthim ua a ngainat pen uh leh, a chanu chapateu tawh ka lâkpiak ni phat leh,

EZEKIEL 36:12

La chung ah mipi hun puikhawm ing ka tin, ka mipi Israelte chu, amau in hun lua ta’n tiu in, a gochan uh hita’n la. A chateu sûnsak kît ta pua’n la.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

DAN LEKHABU 28:18

La gil ua gate, la gam ua gate, la bawng hon leh la belam gualteu ah le hânsiadong in um in lau.

DAN LEKHABU 28:32

La mu zing un la chapateu leh la chanuteu chu midangte suak ding ah kaimang in um in au; nisa tum in la mit un en zui maleu chin bangma law thei pua’n lau.

DAN LEKHABU 28:41

Chanu chapate hing in la tiu in, ahi’n, nang uh chang lo in, suak in koltâng ta’n au.