JEREMIAH 15:6 - PATHIAN LEKHABU THIANGTHO (BSI)

⁶ Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 15:6 ပူးပေါင်းရင်းမြစ်များ

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 28:13

A chiau ah a kithal pûk un, a kisegawp ah, thâng ah a awk hi; sal ah mat a hitheina ding un, a kiang ua Lalpa thugen ding chu zia gual hi ahi: “Thuhilna chung ah thuhilna, thuhilna chung ah thuhilna; a tian tian ah tianto ding, a tian tian ah tianto ding; zia tak ah hin neukhat, zia tak ah sawn neukhat,” ti in.

ISAI 31:3

Aiguptate chu mihing mai mai a hiu a, Pathian a hipuau hi; a sakolteu chule phe leh vo mai a hiu a, thagau a hipuau hi. Lalpa‘n a khut a hun lap phat leh, mi panpite tawh a panpiteu chu, pûk khawm chiat ta’n tiu in, a leng un mangthai khawm ta’n au.

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 20:9

“Ama chu gen puak ta pua’ng ka tin, a min inle thu gen kit ta pua’ng ka,” ka tileh la, zia phat chuleh, ka theng sung ah meiâm um gual in, ka thipsan thei pua’n; ka thip hiat hiat leh la ka thuak zo sek pua’n, ka thipsan thei diak paw’ngal a.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

JEREMIAH 6:12

A Inteu chu midang chang ta’n tiu in, a louteu leh a jiteu le midang chang ta’n au; zia gam ah chêng zosiate chung ah hin, ka khut hun tha ding ka hi’ngâl a, Lalpa‘n a tii.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

JEREMIAH 7:16

Nang vang, zia mite â ding ah hin pauchap kin la, amau â dingin dot piak kin la, paupuak kin la, ka kiang in hun gen piak kin; a la limsak lo ding ka hi’ngal a.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

JEREMIAH 8:9

Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

EZEKIEL 14:9

Chuleh, jawlnei pakhat chu thep zaw a um ah, thu a gen chun, Keima, Lalpa hin zia jawlnei chu ka thep zaw hi’ntin, ama do in ka khut lâm ing ka tin, ka mipite lak ah kipat paitha ding ka hi.

EZEKIEL 25:7

la chung ah khut tha dingin ka lâm ta ahi; namdangte gâl lâk dingin hun matsak ding ka hi. Midangte lak ah hun sâttha’ng ka tin, la gam ua kipat hun sumangthai ing ka tin, hun susia’ng ka. Ziaphat chuleh, Keima hi Lalpa ka hi ti hun he ta’n lau, ti in.

EZEKIEL 35:3

a kiang in, Lalpa Pathian in zia gual hin a gen hi, tin la: “Seir tâng, ka hun dem hi; a hawm ah nutsia’ la umtheina dingin, la chung ah ka khut tha ding ka hi.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

HOSEA 4:16

Bawnglâ lochal gual in Israel chu a lu’lul hi; Hampa hing tamna mun ah belam pakhat um gual in, Lalpa‘n amau chu tu’hin a vâk theina diam?

ZEPHANIAH 1:4

Judai gam leh Jerusalem ah chêng zosia do in ka khut thadok ing ka tin; zia kipat hin Baal um nalaite, milim ho’na thiampute zosia leh,

ZEKARIAH 7:11

Himaleh, a ngaisak nuam puau ah, a kiu uh a sang pawm ua, a hetlo’na ding un a bil uh a hûm tau a.