JEREMIAH 15:4 - PATHIAN LEKHABU THIANGTHO (BSI)

⁴ Hezekiah chapa lengpa Manasseh in Jerusalem ah a thilbawl ziak in, lei chung lenggam zosiate tizat dingin amau chu hun siam ding ka hi.

JEREMIAH 15:4 ပူးပေါင်းရင်းမြစ်များ

2 LENGTE 21:1

Manasseh chun vai a hun hawm pat lai ah chun kum sawm leh ni ah upa a hi bep nalai ah; tichun, Jerusalem ah chun kum sawmnga leh nga sung vai a hawm ah. A nu chu Hephzibah ahi.

2 LENGTE 21:15

Amau haw chun, ka mit mu ngei ah chun thil gilo chu a bawl ua, ei chok lungso ua, a pu leh pateu hun lai ah Aigupta gam ah kipat a hung pawt ua kipat khan tu’ni tiang in a hâi thei nai diak puau hi,” a tia.

2 LENGTE 21:2

Ama hin Lalpa mit mu ah thil diklo tak a hun bawl ah, Israel chate lak ah kipat Lalpa‘n a la nawdawte umchan chu a la zui ta ahi.

2 KHANGTHU 33:1

Manasseh chu kum sawm leh ni ahi in vai a hawm pan ah; Jerusalem khua’n kum sawmni leh nga sung vai a hawm hi.

2 KHANGTHU 33:2

Nidang lai ah a la chêngsa, nam tinte’n thil ki’dak um tak a la bawl ziak un Israelte ma-âng ah Lalpa‘n a nawdawte gual khan, Lalpa mit mu in thil ki’dak um takte a hun bawl kit tau a.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 29:18

Chuleh, chemjamte, kialnate leh natpite hun delzui sak pek ing ka; tichun, ka nawmangna gam zosia ah chun, nam zosia leh lenggam zosiate tizat leh hânsiadongte etsakna, mi tizat, eulau leh musit hung hita’n au.

JEREMIAH 34:17

Ziaziakchun, Lalpa‘n zia gual hin a gen hi: Kuama’n a Invêngteu leh a gualteu thâdok ding ka ti gual in la zawm puau ah; nanghaw chung ah chemjam, natpi leh kial hung tung dingin ka thâdok tai, Lalpa‘n a tii. Khawvel lenggam zosia’n a tizat ding uh la chung un hun tunsak ding ka hi.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

KÂ LATE 1:8

Jerusalem chu lungkham um tak in a gitlo tâk ziakin, nuisan ah hung um ahi; ama ja zosia’n a simmaw tau a, a ngawnchang hi’na a mu tâk ziak un; lungngai in a thûm ta’n, a mai a sêlmang tai.

EZEKIEL 18:19

Ahi’nla, nang un, “A pa gitlona ziakin bang ding ah a chapa’n thuak lo ding a hem?” la tiu a. A chapa’n dan zui in, thil dik a bawl ah, ka dan thuguat zosia chingthei tak ah a zui chun, matheilo in a hin ding ahi.

EZEKIEL 23:46

Lalpa Pathian in zia gual hin a gen ta’ngâl a: Amau sulau ding leh suam dingin mipi pui khawm un.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.