JEREMIAH 15:2 - PATHIAN LEKHABU THIANGTHO (BSI)

² Amau in la kiang ah, “Khoi lam ah chia ding ka hiu em?” a hun ti phat ua leh a kiang un, Lalpa‘n zia gual hin a gen hi, ti’n la: “Natpi’ thi ding ah guat ah umte chu, natpi’n thi’n tiu in; chemjam ah thi ding ah guat ah umte chu, chemjam ah thi’n tiu in; kial ah thi ding ah guat ah umte chu, kial in thi’n tiu in; sal ah tâng ding ah guat ah umte chu, sal ah tâng ta’n au,” ti in.

JEREMIAH 15:2 ပူးပေါင်းရင်းမြစ်များ

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 24:18

Thawm gi tizat um lau ah jam tapo chu, pum ah ke’lut intiu in; zia pum ah suakcha sunte chu thâng ah awk in au. Van tukvante chu a kihong ah, lei kingakna bulpite chu a kilaw lîng tâk ziakin.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

JEREMIAH 43:11

Hung intin, Aigupta gam chu hisia’n tin: Natpi ah thidingte chu natpi’n thi’n tiu in; sal ah tâng ding ah a guatte chu, sal ah tâng intiu in; chemjam ah thi ding ah a guatte chu, chemjam in thi’n au.

EZEKIEL 12:11

Nang uh â ding ah tepte’na ka hi: Ka bawl gual gual hin a chung un bawl hi’ntin; suak leh sal ding ah chia in au,” ti’n gen in.

EZEKIEL 14:21

Lalpa Pathian in zia gual hin a gen ngal a: Jerusalem gawtna palite, chemjam, kialna, gam sahângte leh natpi, mihing leh gancha that gam ding ah ka hun sawl hun ding chu a huaisia na ding e!

EZEKIEL 33:27

A kiang un zia gual hin vagen in, Lalpa Pathian in zia gual hin a gen hi, vati’n la: Kihaksial in ka kitiam hi, nutsia’na nung ah chêng nalaite chu chemjam in thi’n au; gamlak ah um zosia gamsa nêkzaw dingin pia’ng ka tin; kulpi det leh kawlhawm ah kisêlte chu hîpi’n thi’n au.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

EZEKIEL 5:2

Khawpi lâkna ni a bukim phat leh, sam, se’thum sua a se’khat chu khawpi sung ah mei in hâltum inla; se’thum sua se’khat chu khawpi kîmvêl ah chemjam in sâttan sik sek inla; a se’thum sua se’khat dang chu hui tawsak inla, zia nung ah chun chemjam hun del zuisak ing ka.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

AMOS 5:19

Mi pakhat sakeibaknei lau ah tai, savom tuak kha gual a hem; ahiloleh, In sung ah lût ah, a khut bâng ah a ngat leh, gul in a la chuk piak gual chu ahi.

ZEKARIAH 11:9

Ziaphatchun, “Nanghaw ching in pang ta pua’ng ka, a thi thi chu thi hen la, a man leh le a man himai hen la, a hing nalai umsun te chule kinetua mai uh hen,” ka ti ta’n.

THUPUAN 13:10

Kuale sal ah puite chu sal ah pui in um intiu in; chemjam ah mithatte chu chemjam ma’n thi’n au. Zia hi mithiangthote thok-hatna leh, ginna nei ding ah chialna ahi.