JEREMIAH 15:15 - PATHIAN LEKHABU THIANGTHO (BSI)

¹⁵ Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JEREMIAH 15:15 ပူးပေါင်းရင်းမြစ်များ

NEHEMIAH 13:22

Chun, Levite chu amau kisuthiangtho ah hung khawm ding leh sabbath ni a thianthona ding ah kul kotkhakte chu vêng bit dingin thu ka pia tai. Aw ka Pathian, zia chungchâng thu ah hin ei hezing in la, la ja’ngaina let dungzui in ei hawi in.

NEHEMIAH 13:31

tichun, a hunbî dungzui ah thawlawm thing ding leh gamasa thillat dingte chule ka se piak tai. Aw Pathian, ka phatna hi hezing ta’n.

NEHEMIAH 5:19

Aw ka Pathian, zia mite â ding ah ka thilbawl hi ka phatna dingin hezing in, ti’n ka hun ni hi.

NEHEMIAH 6:14

Aw ka Pathian, Tobiah leh Sanballat te hin a thilbawl dan zosiau hi hezing inla; chuleh, jawlneinu Noadiah leh jawlnei dangte, ei suklau gua kipei zosia hi hezing in.

JOB LEKHABU 10:7

phatlona nei lo ka hi dan la he ngâl in, la khut ah pat ei ladok ding mi, pakhatle umlo hi’ngâl in?

SAM 102:24

Keima’n, “Aw ka Pathian, ka vanglai nite hin ei lamang kin la, la kumte chun suan zosia tiang a dai hi,” ka ti tai.

SAM 106:4

Aw Lalpa, la mite la doisakna, la etsak phat leh ei hezing in; amau la hukdaw phat leh ei panpi inla;

SAM 119:84

La suak hin bang chan ngâk nalai ding ka hem? Ei h’igentheite chung ah hin bangtik leh, vaihawm ding la hi tam?

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

SAM 39:13

Aw, zia kipat hi ka pawt daw ah, ka hinkhua a kichai masang ah, kipak ah ka umtheina dingin, ei kihei mangsan tiam in,” ka ti’n.

SAM 44:22

Nangma ziakin nitum ah tha in ka um zing un, belam thalup ding gual ah ngai ka hiu.

ISAI 38:3

“Aw Lalpa, tu’hin hezing in, ka lungthim zosia’ ginum tak ah la mit mu ah ka umdan leh, la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 15:10

Gam sung pumpi mi zosia kinakpi ding leh kinialpi ding ah ka nu’n ei la hin mai hi chu aw! Ka chung a gik na e! Kuama bat ding in ka pia ngai pua’n, kuama â le ka ba ngai diak puai; himaleh, a leng un hânsia ei law khum tho tho ui.

JEREMIAH 15:20

Chuleh, zia mipite â ding ah hin, sum-eng ah kulpi kibawl, detdo tak gual in hun siam ing ka; hun do intiu in la hun zo pua’n au; nang hun hukdok ding leh hukdam dingin, ka hun umpi zing ngal a, Lalpa‘n a tii.

JEREMIAH 17:16

Himaleh, nang â ding ah belampu ka panna kipat in, ka tai mang pua’n, a siatna ding uh ni chu, hung tung leh le ka ti diak puai. Ka kam ah bang gual thu hung pawt ahi em ti ka hia’n; la mit mu in a kichian ngâl a.

JEREMIAH 18:23

Aw Lalpa, nang in vang, ei tha’na ding ah a thil guanggal zosiau hi hezing in. A khawlonau hi ngaidam kin la, a gitlonau hi kimulosak diak kin. La ma-âng ah kisep puk uh hen la, la lungnat lai tak in amau chu soisa ta’n.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

JEREMIAH 20:8

Thu ka gen phot leh ka kikojak in, “Kipawngbawlna leh suksiatna ngen ahi!” ti’n kikojak ding ka hi. Lalpa thu chu kei â ding ah sun nitum tum ah musitna leh, dem ka law’na bep ahi ta’ngal a.

KÂ LATE 3:64

Aw Lalpa, a thilbawl gûn uh, a khut ngei ua a bawl dungzui un, a chung un thuk in!

KÂ LATE 3:66

Lung natna’n delzui inla, Lalpa van nuai ah kipat in; amau chu hi’mangthai in.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

LUKA 21:17

Keima min ziakin mi zosia muda hung hi’n lau.

ROMTE 12:19

Doitakte haw, bangtik lai inle phuba la kiu in, Pathian lungnatna awt zawu in. “Phuba him him keima lâk ding ahi, keima’n thuk na’ng ka, Lalpa‘n a tii,” ti zik ahi ngal a.

ROMTE 8:35

Aleh, Khrista hepina ah kipat chun kua’n ei khen zo ding a hem? Thokgimna’n a hem, lungkhamna’n a hem, sukgentheina’n a hem, kial in a hem, ngawnchang hi’na’n a hem, lau umna’n a hem, chemjam in a hem, ei khen zo ding ahi diam?

2 KORINTH 5:11

Chutichun, Lalpa launa châng hia’n, mihingte chu ka jawl sek un, Pathian het in ka um un, nang unle lei hetchian uh ka kinem ui.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.

VAIHAWMTE 16:28

Samson in Lalpa a hun ko ta’n: “Aw Lalpa Pathian, ei hezing inla, khatvei bepcha hilehle ei hun hihât in; aw Pathian, Philistinte chung ah ka mitchang pani phuba ka lâk theina ding in hun khat bep ei pia kit in,” a tia.