JEREMIAH 14:9 - PATHIAN LEKHABU THIANGTHO (BSI)

⁹ Bang ding ah bawl ding dan he talo mi gual leh, gâlhangsan mi panpi’na ding a, thagum sua thei talo gual a, um ziang la hi em? Hizianglehle, Lalpa, nang ka lak un la um ngâl a; chuleh, la min ah ko in ka um sek ngâl un, ei nusia kin!

JEREMIAH 14:9 ပူးပေါင်းရင်းမြစ်များ

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

SAM 10:1

Aw Lalpa, bang ding ah gamla tak ah ding la hem? Bang ding ah lungjin hun ah kisêl sek la hem?

SAM 27:9

Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

SAM 46:5

Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

ISAI 59:1

Ngai un, Lalpa khut chu, a hukdam thei lo ding ah chom talua a hipua’n, a nakhang chule a hethei lo ding ah ngong talua ahi diak puai.

ISAI 63:19

A chung ua vai la hawm khâkna ngai lo mite leh, la min ah kiko kha ngai lo mite gual in ka um tau hi.

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

JEREMIAH 51:5

Israelte Mithiangtho mit mu in, a gam uh gitlona’n dim maleh, Israelte leh Judate chu sepaite Lalpa, a Pathian uh chun a nusia diak puai.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

KÂ LATE 5:20

Bang ding ah kei haw, ei hemil veng veng ziang la hem? Bang ding ah zia chan chan hi ei nusia la hem?

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

HABAKKUK 1:2

Aw Lalpa, lei ngaithâk lo ding ah, la panpi’na don ah bang chan a hem ka hun ko ding? “Kipawngbawlna,” ti’n hun ko ma leng nang in lei hukdaw diak lo ding?

ZEKARIAH 2:5

Kei chu a kîmvêl ah mei kulbâng hi’ng ka tin, a lailung ah lopina chu hiding ka hi, Lalpa chun a tii,” ti hi vagen in, ei tia.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

KISIMNA LEKHABU 11:23

Lalpa chun Mosi a hun dawnhu ah, Lalpa thilhitheina chun chintawk a nei em? La kiang ah ka thugen chu a guitun leh guitun lo tu’hin mu ding la hi tai, a tia.

NASEPTE 15:17

midang zosia’n le Lalpa chu hun hawl intiu in, ka min ah ei ko Jentelte zosia’n le, ei hun hawl theina ding un. Zia thilte bawlpa Lalpa chun,

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

DAN LEKHABU 23:14

Lalpa la Pathian uh chu nangmau veng bit ding leh la mêlmateu hun do piak ding ah la lak un a hung pang zing sek ah; ziaziakchun, la lak ua a kiheimang lona dingin, la puanbûk uh chu a thiantho ding ahi.

DAN LEKHABU 28:10

Lei chung ah mi zosia’n nanghaw, Lalpa min ah ko la hiu he in, hun lau ta’n au.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.

1 SAMUEL 12:22

A ziak chu, Lalpa‘n amin lopi tak ziak ah chun a mipite pâmpai ziang lo ding ahi, a ziak chu, Lalpa‘n a lung lam hi ding in a mipite hi a siam ahi.