JEREMIAH 14:8 - PATHIAN LEKHABU THIANGTHO (BSI)

⁸ Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 14:8 ပူးပေါင်းရင်းမြစ်များ

SAM 10:1

Aw Lalpa, bang ding ah gamla tak ah ding la hem? Bang ding ah lungjin hun ah kisêl sek la hem?

SAM 138:7

Buaina lak ah chia malengle, ka mêlmate lungnatna lak ah kipat in lei vêngbit ah; la khut la hun jakdok ah, tichun, la khut changlam in lei hukdok sek hi.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

SAM 46:2

Leilung hi hung danglam in, tuisuagiat lailung ah tângte le kithing in;

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 71:5

Aw Lalpa, ka naupan lai ah kipat ka hun muan leh, ka kinepna la hi’ngal a.

SAM 9:9

Sukgenthei ah umte â dingin Lalpa chu kulpi ahi’n; lungjin lai ah kulpi ahi.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

ISAI 33:2

Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

ISAI 43:3

Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 30:7

Katei! Zia ni gual ah huaisia chu a um puai; Jakob â ding ah buaina hun ahi; maleh, zia lak ah kipat chun hukdaw hi’n a.

JEREMIAH 50:7

A mu taphot in a ne zo malam pek un, a mêlmateu chun, “Lalpa, a pu leh pateu kinepna, a tatna mun ding tak uh Lalpa chung ah thil a la bawlkhial tâk ziak un, eimau maw’na bangma a um puai,” a tiu a.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

ZEKARIAH 9:12

Aw kinepna nei ah koltângte haw, la kulpi lam uh zuan kit tau in; a le’ni in hun tung ding kit ding ka hi ti, tu’ni ma ma hin ka puang ahi.

NASEPTE 28:20

Zia ding ah hin ka hun ko khawm la hiu hi, eimau I kimutuau ah I kihotua theina ding un; keima hi Israelte kinepna thu ziak ah thik khau ah kân ka hi bep hi,” tia.

1 TIMOTHI 1:1

Paul, I hukdampau Pathian leh Khrista Jesu I kinepnau, thupiak dungzui ah Khrista Jesu sawlchâk hin,

VAIHAWMTE 19:17

Têksepu’n, a vak et leh tunna ding neilo malzin, lamlian pâm ah chu mai chu a vak mu ta’n, a kiang in, “Khoilam ah chia gua’, khoilam ah hung kipan la hi em?” ti’n a dong a.