JEREMIAH 14:3 - PATHIAN LEKHABU THIANGTHO (BSI)

³ Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 14:3 ပူးပေါင်းရင်းမြစ်များ

2 SAMUEL 15:30

Himaleh, David chu Oliv tâng lamto ah chun kengtaw but lo leh puan kilukhu ah kap kawm kawm in a kal to ah; a kiang ah um zosia chunle puan kilukhu chiat ah kap kawm kawm in a zui tau hi.

2 SAMUEL 19:4

Lengpa chu puan a kilukhu ah, aw ngai tak in, “Aw ka chapa Absalom, aw Absalom, ka chapa, ka chapa!” ti’n a kap chuai chuai tai.

1 LENGTE 17:7

himaleh, gam ah gua a zuk lo ziakin, chomkhat zaw in zia lui chule a hung kang tai.

2 LENGTE 18:31

Ziaziakchun, Hezekiah thugen chu taksang kiu inla: Assuria lengpa chun zia gual hin a gen hi, Thilpiakte mang in ka kilepna ding uh hun siam uh hen la, kei lam in hung pang tau hen, chutileh mi tin chun amau grep ga chiat leh a theichang ga chiat uh kinêk thei ding a hiu; tichun, mi tin chun amau bêl ah tui chu kidawn chiat ta’n au, ti’n;

ESTHER 6:12

Ziazaw chun, Mordekai chu Lengpa kotkhak bul ah chun a hung kit ah, Haman ahileh chu lungngai tak leh puan kilukhu in a In lam ah kin tak in a chia kit tai.

JOB LEKHABU 6:20

Kinem tak in a um un la a lungthuai un, a hung un la a mualpho ui.

SAM 109:29

Ei do-te chu mualphona puan in kithuam tau hen la; maikhûna puan gual in mualphona chun tuam ta hen.

SAM 40:14

Ka hinna lâk ding gua ei hawlte chu, mualpho leh zakcha tak in um uh hen la, ka siatna ding doite zosia chu kile’kit in, zakcha tau hen.

JEREMIAH 14:4

gua zuk lo ziakin lei a khikêk ta’ngâl a. Gua a zuk lo ziak ah loubawlte lungthuai in, puan a kilukhu tau hi.

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:37

La kisuanpiteu chu Lalpa‘n a paithâk tak ziakin, amau ah kipat in zakcha’n hung pawtdok kit in la tiu in, amau jal in vangphatna mu pua’n lau.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

KÂ LATE 4:4

Nau nawicheplaite lei chu dangchâk ziakin, a dangchawng un a bekden zo ta’n; naupangte chun an a ngêk un, kuama’n bangma a pia puau hi.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

JOEL 1:20

Lui tuite a kangtan tâk ziak leh, gam ah hampa hing zosia mei in, a kat tum zaw tâk ziakin, gamsate natiang in nangma a hun ko ui.

AMOS 4:7

Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

AMOS 4:8

tichun, khawpi pani a hem, pathum a hem chu khawpi khat ah tui dawn in a chiau a, ahi’n, a doikhop puau in, Chutisapi’nle ka kiang in la hung kit puau hi, Lalpa‘n a tii.

ZEKARIAH 14:17

Lei chung ah Inkuan zosia, Lalpen sepai honte Lalpa, Lengpa chu chibai bûk ding ah chia lo taphot chung ah gua zu ta pua’n a.