JEREMIAH 14:22 - PATHIAN LEKHABU THIANGTHO (BSI)

²² Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 14:22 ပူးပေါင်းရင်းမြစ်များ

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 LENGTE 17:14

Lalpa, Israel Pathian in zia gual hin a gen tai: Lalpa‘n lei chung ah gua a zuksak hun a hung tun masang sia, bêl ah an chu nêk zaw hipua’n tin, thawl ah sathau chule tasam pua’n ah, a tii,” a tia.

1 LENGTE 18:1

Ni tam tak nung in, khawkhâlna a kum thumna chun, Elijah kiang in Lalpa‘n thu a hun gen a, “Chia inla, Ahab vakimusak in; lei chung ah gua hun sawl ding ka hi,” ti in.

1 LENGTE 8:36

van ah la ngaitha’n la, la suakte leh la mi Israelte ngaidam inla, a zui ding ua lampi pha hil in; chuleh, a golua ding ua la mipi la piak, la gam ah gua hun pia’n.

JOB LEKHABU 28:26

gawtui â ding ah dan a siam lai leh, têk â ding ah lampi a siam lai khan;

JOB LEKHABU 5:10

Ama’n lei chung ah gua zuksak in, loute chung in tui a hun pia’n;

SAM 130:5

Lalpa chu ka ngâk ah, ka thagau in a ngâk zing ah, a thu ah kinepna ka nei in;

SAM 135:7

Ama’n kawlmong ah kipat in sûmte a chiatosak sek in; kawlphete gua â dingin a siam in, a koikhawmna mun ah kipat in, hui a hun nun dawsak sek hi.

SAM 147:8

Ama’n vânte khi sûmpi a lia sak in, lei â dingin gua a siam piak in, tichun, tângte ah chun hampa a ke’ sak hi.

SAM 25:21

Ginumna leh dikna’n ei humbit ta’n, ka hun ngâk zing hi.

SAM 25:3

Nangma ngâk zosia kuama mualphosak kin; lepchia tak ah tawite chu vang mualphosak zaw’n.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 30:23

Lei ah la thâichi tûte â dingin gua hun zuksak ta’n tin; chuleh, lei in ga a hun suadaw chu tam tak, tui tak takte ngen hung hita’n a. Zia ni phat chuleh, la ganchate hampa phatna gam lian leh kiningting tak ah chun ta hiat hiat ta’n au.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

JEREMIAH 10:12

A thilbawl theina leilung siampa chu ama ahi’n, a pilna’n khawvel hi a phudet a; a hiatthiamna’n vante khi a kaipal hi.

JEREMIAH 10:13

A aw a sua phat leh, van ah tuite a phul bul bul sek in, kawlmong langkhat lam ah kipat in, tuihu a lên dawsak sek hi. Gaw zukna dingin kawl a phet sak ah, hui chu a khol khawmna kipat in, a nun dawsak sek hi.

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 10:3

Midangte chawndan haw chu a dik pua’n, gammâng ah thing a phûk un, mi khutthiam in a heicha’n a sui a;

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 5:12

Lalpa chu lepchia in a ngawu a, “Bangma bawl lo hial in a. I chung un siatna bangma tung pua’n tin, chemjam a hem kialna a hem tuak puai tiu,” a tiu a.

JEREMIAH 5:24

A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

JEREMIAH 51:16

A aw a sua phat leh van ah tuite, a chiak bul bul un; kawlmong ah kipat phâisum a chiatosak hi. Gaw zukna dingin kawl a phet sak ah, a thil koikhawmna kipat in, hui a hun nunsak sek hi.

HOSEA 2:7

A dawichâkte chu delzui intin, himaleh, delpha pua’n a; amau hawl intin, himaleh, mupha pua’n a. Ziaphat chuleh, “Ka pawsal masa kiang in vaikit ing ka tin, tu’sâng hin tu’ma kha kei â di’n a phazaw ngal in,” ti’n a.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

AMOS 4:7

Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

MIKAH 5:6

Amau chun Assuria lenggam chu chemjam in vaihawm intiu in, Nimrod lenggam chu chemjam jukdaw sa’n vaihawm khum in au; I gamgiu a hung chot phâk uh leh le, Assuriate ah kipat chun ei hukdok ding a hiu.

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

MATTHAI 5:45

la Pau van ah mi chate la hi’theina ding un; ama chun migilote leh miphate chung ah chun ni a suak sak gêl ah, mi dik leh dik lo chung ah le gua a zuksak sek hi.

DAN LEKHABU 28:12

Lalpa chun a hun chet chet ah la gam uh chapno ding gawtui hun pia ding leh, la khut nasepnau taphot hun maljawl dingin, van, a hausakna van koina hun hon piak in a; chutichun, nam tamtakte kiang ah bat lâksak in la tiu in, nang un vang kuama â ba pua’n lau.

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.