JEREMIAH 14:20 - PATHIAN LEKHABU THIANGTHO (BSI)

²⁰ Aw Lalpa, ka pu leh pateu gitlona tawh, la chung ah ka thilbawl khialnateu hia’n, ka nunsiatnateu ngaidam ka hun don ui.

JEREMIAH 14:20 ပူးပေါင်းရင်းမြစ်များ

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

2 SAMUEL 24:10

Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

NEHEMIAH 9:2

Tichun, Israel suante lak ah gam dang mi lak ah kisuthiangte zosia chu hung dingdok in, amau leh a pu leh pateu gitlonate leh khawlonateu zosia a kiphuang jak tau a.

JOB LEKHABU 33:27

Zia mipa chun midangte kiang in, “Ka la bawl khial ta’n, a dik chu ka la pêt mangsan ta’n; ahi’n la, thuk in ka um puai.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 8:14

Bang ding ah kichu hiat hiat I hiu em? Hung khawm unla, kul det nei khawpite chun lut hitiu in, zia chun vathi mang ziang hitiu. Lalpa chung ah I la gitlo tâk ziak un, Lalpa I Pathian un a thi mangthai ding ah ei koi a hita’i, I dawn ding un tui gu’ kisaw ei pia ta ahi.

KÂ LATE 1:20

Aw Lalpa, en tiam in, bang gual lawm ah lungdong ka hi tam! Ka gilpi a kichok in, ka lungchang a kichok ziang tai; la chung ah ka la hel nasa ta law tau hi. Kotzing ah chemjam in lusûnna a tut in, Intin ah thi’na ngen ahi kit hi.

KÂ LATE 3:42

Ka bawtsia tau ah, ka hel tau hi, ahi’n, lei ngaidam ta puai.

KÂ LATE 5:7

Ka pu leh pateu a la gilo tau; a umlo nung un a gitlo man uh ka puau hi.

DANIAL 9:15

Tu’hin, aw Lalpa ka Pathian uh, khut hât tak ah Aigupta gam ah kipat la mite puidok ah, tu’ni tiang ah minthang tak ah umpa ka gilo tau in, nunsia tak in ka la bawl zo tau hi.

AMOS 7:2

Gam ah hampa zosia a nêk zaw phat un, keima’n: “Aw Lalpa Pathian, ngaidam in, la ngaidamna ka dawn hi! Jakob bangti’n pang zo ding a hem? Ama a neu ngal a!” ka ti ta’n.