JEREMIAH 14:2 - PATHIAN LEKHABU THIANGTHO (BSI)

² Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

JEREMIAH 14:2 ပူးပေါင်းရင်းမြစ်များ

JOB LEKHABU 34:28

a navekna khop ding ah, chagate thum leh mau ah umsak ziak un, nuaisia ah umte kâ thawm chu la he ta’ngâl a.

SAM 144:14

ka bawng unle no tampi pi nei uh hen. Kulpi bâng sukvanna leh sal ah puimangna um ki’hen la, ka kotzing unle lungkhamna thawm um ki’hen.

PAWTDAWNA THU 2:24

Chuleh, a kâ thawmteu chu Pathian in a ngaitha, Pathian in Abraham, Isak leh Jakob kiang ah a thuthung kha a hezing a.

ISAI 15:5

Ka lungthim in Moab ka kâ khum in; a galjamte chu Zoar tiang leh, Eglath-shelishiyah tiang in a jam ui. Luhith lamto ah chun kap kawm kawm in a kal to un; Horonaim lampi chun siatna tâng a sam un;

ISAI 24:11

Uain tâksap ziakin khawlai ah chun, mite a kiko veng vung ui; kipakna zosia’n mual a khum tai; lei ah kipakna zosia’n mual a khum tai.

ISAI 24:4

Lei chu keugawp in a vuaitha ta’n, khawvel chu ngui in a vuaitha tai; vânte’n le lei chu a sûnpi tau hi.

ISAI 24:7

Grep tui a kang ta’n, grep gui a vuai ta’n, lungthim kipakna zosia thûmna a chang zo tai.

ISAI 3:26

A kotpiteu chu lusûn in, kâ La’n awi ta’n au; hisiat dim dem ah um in, suksiatsa’n tual ah kichu ta’n au.

ISAI 33:9

Gam chun a sûn ah a chautha tai; Lebanon chu mualpho in a vuaitha tai; Sharon chu Arabah gamkeu a bang ta’n, Bashan leh Karmel chun, a dua zosiau a thingtha tau hi.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

JEREMIAH 11:11

Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.

JEREMIAH 12:11

Gamnungsang a suaksak tau hi; a thawmhau ta’n, ka kiang in a mau tai. Gam pumpi thawmhau tak ah siam ahi tai, maleh, kuama’n bangma’n a ngai puau hi.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 18:22

Hetkhol lo ah amau sim ding la hung tunsak phat leh, a In ua kipat kâ thawm het in um ta hen! Ei matna ding un kawkhûk a cho un, ka keng awkna ding thâng a kam ta’ngal un.

JEREMIAH 4:28

Ziaziakchun, lei in sûn intin, chung ah vante khi le thimtha ta’n au. Ka la guanggalsa chu, ka la gen ta’ngal a; ka gensa chu hei danglam ta pua’ng ka tin, thul diak pua’ng ka.

JEREMIAH 46:12

La mualpho’na chu namtin in a hiau ah, la kâ thawm in khawvel pumpi a thawng hi; gâlhangsan tawh gâl hangsan a kibawtuau a, a paniu in a pûk khawm tau hi.

JEREMIAH 8:21

Ka mipi gentheite natna chu ka thokpi ah, ka sûn ah, lungdonna chun ei chûm tai.

KÂ LATE 2:8

Lalpa‘n Zion chanu bâng chu sukchip a gaw tai; suksiatna ding chan tepte’na a siam ta’n; a khut chu susia lo dingin juk kit pua’n a; a kulsâng leh bângte chu, sûn dingin a siam ta’n, a lung gim khawm tai.

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

KÂ LATE 5:10

Kialna ziak ah nisapi thuak in, thukkhûk gual in ka vun uh a vom zo tai.

HOSEA 4:3

Ziaziakchun, gam chun a sûn in, a sung ah chêng zosiate chule a thavai zo tau hi. Gamsate, chunglêng vachate leh, tuisuagiat ah sanga zosia pum in mangthai ta’n au.

JOEL 1:10

Loute chu suksiat gam a hita’n, gam chu lei in a sûn hi; bu chu suksiat ahi zo ta’n, uain a kang in, sathau chu a bei zo tai.

JOEL 1:11

Barli leh gehu bu a siat ziakin, lou bawl mite haw, beidong tau in; lou lai ah thâichi a siat gam tâk ziakin, nanghaw grep chîngte haw mau tau in.

JOEL 1:14

Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

JOEL 2:6

A âng un mipite suknat in a um un, mai zosia a thidâng tai.

HAGGAI 1:11

Lei chung ah te, tâng chung ah te, bu chung ah te, uain thak chung ah te, sathau chung ah te, lei ah kipat thil hung pawt him himte chung ah te, mihing chung ah te, gan-gual chung ah te leh khut nasep zosia chung ah khawkhâlna ka ko ta ahi.

ZEKARIAH 7:13

Amau ka ko lai ah ei ngaisak lo gual un, ke’nle ei hun ko phat uh leh ngaisak lo ding ka hi, sepai honte Lalpa chun a tii;

1 SAMUEL 5:12

a thilo sunte chule vunnatna a vei un; tichun, mite kâ thawm chun van a thawng hial ziang tai.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.