JEREMIAH 14:19 - PATHIAN LEKHABU THIANGTHO (BSI)

¹⁹ Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 14:19 ပူးပေါင်းရင်းမြစ်များ

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

JOB LEKHABU 30:26

Himaleh, thilpha ka hawl lai in, thil phalo ka chung in a hung tung ah; vâk ka ngak lai in, thimna a hung tung hi.

SAM 78:59

Pathian in zia chu a het phat in, a lung a na ma ma ah, Israel chu a pumnol tai.

SAM 89:38

Himaleh, nang in tu’hin la pâm pai in, la dawi ta pua’n; la sathaunu’ chung ah lungnatna’n la dim tai.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

JEREMIAH 12:7

Ka In hi ka nusia ta’n, ka gote le ka taisan tai; ka lunggil tak ah ka dawi takte chu, a mêlmateu khut in ka pedok tai.

JEREMIAH 12:8

Ka gote chu kei â dingin, gammâng ah sakeibaknei tawhbang a hitau in; keima ei dem in a ngai thei pen in aw a suau in, ziaziakchun, amau chu ka hua ahi.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

JEREMIAH 30:12

Lalpa‘n zia gual hin a gen tai: La natna chu sukdam thei ding gual ahi puai, la beliam a huaisia ma ma ngâl a.

JEREMIAH 30:13

Nang hun panpi ding kuama a um puau a, la liamna damdawi dingle a um pua’n, la damna ding him a um puai.

JEREMIAH 51:5

Israelte Mithiangtho mit mu in, a gam uh gitlona’n dim maleh, Israelte leh Judate chu sepaite Lalpa, a Pathian uh chun a nusia diak puai.

JEREMIAH 6:30

Lalpa‘n amau chu a pom tâk lo ziakin, mite’n amau chu, “Dangkati umlo,” ahi a ti tau hi.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

JEREMIAH 8:15

Thamuanna I hawl un, ahi’n la, thilpha bangma I mu puau hi; sukdamna hun I hawl un, ahiziak in, tizatna ngen a hizaw tai.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

KÂ LATE 2:22

Kil tin ah kipat ka mêlmateu chu, kût thupi tak ah pang ding gual in, la chial khawm a; Lalpa lungnatna ni ah chun, hingle a hingdok puau, ka hin leh ka dot seilette chu, ka mêlmate’n a that gam tai.

KÂ LATE 4:17

Panpi kinem ah thîlna’n ka mitteu a chau zo ta’n; ei hukdok thei lo ding, nam dangte lak ah kinem tak in I la thîl ui.

KÂ LATE 5:22

Lei paithâk ziang lo ah, gen theilo khop ah la lung tuak lo, ka hi’lo ngal ua leh,

MIKAH 1:12

Maroth ah chêngte chun vang, thilpha hung tung ding chu, a ngâkla ma ma tau in, ahi’n, Lalpa ah kipat in vangsiatna a hung tung in, Jerusalem kotpi bul a hung tung tai.

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.