JEREMIAH 14:18 - PATHIAN LEKHABU THIANGTHO (BSI)

¹⁸ Gamlak ah chia leng, chemjam ah thite mu’ng ka tin, khawpi sung lut leng, kial thuak ah nat thuakte mu ding ka hi! Jawlnei hi’n, thiampu hitaleh, gam pumpi’n amau lawkna ding bep hawl in, a vak vêl vêl un, hetna him him a nei puau hi.

JEREMIAH 14:18 ပူးပေါင်းရင်းမြစ်များ

ISAI 22:2

nang, limna leh kipakna ziak ah, kiko chiak veng vung khawpi hilo maw? La sung ah mithite chu chemjam leh kidona thi ahi puau hi.

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 23:21

Zia jawlneite kha ka sawl lo in a tai un, a kiang ua thu ka gen lo pi’nle thu a gen ui.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 6:25

Loulai ah pawtdok kiu inla, Lamlian dung inle chia kiu in; mêlmate’n chemjam a chawi un, kiltin lau umna ngen in a dim ta’ngâl a.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

KÂ LATE 1:20

Aw Lalpa, en tiam in, bang gual lawm ah lungdong ka hi tam! Ka gilpi a kichok in, ka lungchang a kichok ziang tai; la chung ah ka la hel nasa ta law tau hi. Kotzing ah chemjam in lusûnna a tut in, Intin ah thi’na ngen ahi kit hi.

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

KÂ LATE 4:9

Chemjam ah dawtlup ziangte chu, gilkial ma ma ah thite, a loulai thâiga ne pha diak lo ah, a hinnau a lua’n kang zaw nung ah, thite sâng in a kipak zawu hi.

EZEKIEL 7:15

Pawlam ah chemjam, sunglam ah natpi leh kialna, gamlak ah umte chemjam ah thi’n tiu in, khawpi sung ah umte chu, kial leh natpi’n thizo in au.

AMOS 4:6

La khawpiteu ah hani bek kham dingle umlo khop ah, la umnau zosiau ah an tâksapna ka hun pia’n; zia sapi ah chunle ka kiang lam in, la hung kile’kit diak puau hi, Lalpa‘n a tii.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.