JEREMIAH 14:17 - PATHIAN LEKHABU THIANGTHO (BSI)

¹⁷ Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 14:17 ပူးပေါင်းရင်းမြစ်များ

2 LENGTE 19:21

Lalpa‘n ama chung thuah a gen chu zia hi ahi; Zion chanu nungak thiangtho chun a hun musitah, simmaw tak mai in a hun nuisan ta’n; Jerusalem chanu chun, la nung lam ah a luu a hun thin khum ta ahi.

SAM 119:136

La dan bawsiat ahi ziakin, ka mitthi tui luipi gual in a luang tai.

SAM 39:10

Lei vokna ka kiang ah kipat in lamang inla; la khut ah hi’mangthai ah um ding ka hi tai.

ISAI 37:22

ama chung chang ah zia gual hin Lalpa‘n a gen hi: Zion Chanu, nungak thiangtho, nang a hun musit ah, hun hosia ahi; Jerusalem chanu, la nung lam ah a luchang a hun thinkhum ta ahi.

JEREMIAH 10:19

Ka liamna ziakin ka chung a gik na e! Ka liamna hi a huaisia na e! Himaleh, “Zia hi ei gawtna a hiziak in, ka tuak tei tei ding ahi,” ka ti’n.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 18:13

Ziaziakchun, Lalpa‘n zia gual hin a gen hi: Namtin lak ah dong vêl tiam un: Zia gual thu chu kua’n a la he ngai em? nungak thiangtho Israel in vang, thil tizat um tak chu a la bawl tai.

JEREMIAH 8:18

Ka limna’n ei taisan ta’n, lungngaina’n ei chûm tai; ka lungthim a na tai.

JEREMIAH 8:21

Ka mipi gentheite natna chu ka thokpi ah, ka sûn ah, lungdonna chun ei chûm tai.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:18

I mit ua mitthi tui a luandaw a, I mitvunteu in mitthi tui a nawdaw theina dingin, hung kinawu hen la; I chung un kâ La hung sa kin uh hen.

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

KÂ LATE 2:18

Ngai tak in Lalpa ko un! Aw Zion chanu kulbâng! A sûn a jan in hoktui gual in, la mitthi tui uh luang ta hen! Chawlnga kiu inla, la mit le chawldam tik um ki’hen!

AMOS 5:2

Thodok kit talo ding ah kipûk chu, nungak thiangtho Israel ahi; ama gam ah nutsia a hita’n, ama kaitho ding khat le a um ta puai.

MIKAH 6:13

Ziaziakchun, ke’nle nasa tak in, ka hun khên pûk pan ta hen, la gitlonate ziakin ka hun sugam ta la hi.