JEREMIAH 14:16 - PATHIAN LEKHABU THIANGTHO (BSI)

¹⁶ A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 14:16 ပူးပေါင်းရင်းမြစ်များ

THUPILTE 1:31

ziaziak chun, la gamtatnau ga kinêk in la tiu in, la thilbawlteu ma chun hun hi’lungjing in a.

ISAI 51:20

La chate a basam zo tau ah, sazukchal lênthâng ah awk thachau gual in, khawlai kotzing tin ah a kitâl tek tuk tau hi; Lalpa lungnatna huitung tak tuak in, la Pathian vauna awsia pua a hiu.

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 20:6

Chuleh, Pashhur, nang tawh la In ah chêng zosia pum in, sal ah mat hin la tiu in; Babulon gam lam ah chia ta’n lau; zia tak ah chun nang tawh, la gual la paiteu a kiang ua thu diklo tak ah la la genlawk sekte zosia pum ah thiden in, vui in hung um den ta’n lau, ti in.

JEREMIAH 27:15

Ka sawl lo sa sa’ ka min ah zuau thu a gen un, nanghaw leh la kiang ua thugentu jawlneite chu ka nawdaw ah mangthai gêl ding la hiziak in, Lalpa‘n a tii.

JEREMIAH 4:18

La nunchan leh la thilbawl dungzui un, zia thilte hi la chung ua tung ahi; zia chu la siatnau ahi tai. A thok hak nalawm lawm e! La lungchang a sunthil hial ta hi,” ti in.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 7:33

Zia mite thiluang chu chunglêng vachate leh, lei chung ah gam sate an hung hita’n tin, kuama’n naw lau ta pua’n au.

JEREMIAH 8:1

Ziaphat chuleh, Judai gam ah lengte, a lalteu, thiampute, jawlneite leh Jerusalem ah a la chêngte gu zosia chu a thân ua kipat lâkdaw in hung um ta’n ah, Lalpa‘n a tii;

JEREMIAH 8:2

nisa, thapi leh van lam ah um zosia a thangai un, a thuu zui in, a nau a sep piak un; a dot leh a biakteu ma-âng ah chun thejak in um intiu in, luak khawm kit leh vui hita pua’n au; lei tual ah ki’dak buaksia gual mai in um ta’n au.

JEREMIAH 9:20

Aw numeite haw, Lalpa thu gen hi a la ngai unla, a kam ah thu pawt hin la bil uh a la dawu in; la chanuteu kâ La hil unla, la Invêngteu chiat kâ dan hil un.

JEREMIAH 9:22

Lalpa‘n zia gual hin a gen hi ti’n gen in: Gamtalai ah ki’dak gual in mithi luangte kital tek tuk intin, bu âtte nung ah buvui kisia gual in, kuama lak khawm lo in kisia tek tuk in au.

EZEKIEL 39:14

Tha sagi zaw leh, a gam sung hi’thianthona ding ah gam pumpi ah mithiluang chomnâm dingin, mi guat ta’n au.

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

THUPUAN 16:1

Tempul ah kipat aw ngai tak hin, vansawlchâk pasagite kiang ah chun, “Chiau inla, Pathian lungnatna belbu pasagite chu lei ah vabuntha tau in,” a ti ka he.