JEREMIAH 14:14 - PATHIAN LEKHABU THIANGTHO (BSI)

¹⁴ Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 14:14 ပူးပေါင်းရင်းမြစ်များ

ISAI 56:10

Israel gâlvêngte chu mitthûm, hetna bei ngen a hiu ah; uicha pau helo leh hâm thei lo, mawk um ah lum nguai mai leh, i-mut thût gual ngen a hiu.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 20:6

Chuleh, Pashhur, nang tawh la In ah chêng zosia pum in, sal ah mat hin la tiu in; Babulon gam lam ah chia ta’n lau; zia tak ah chun nang tawh, la gual la paiteu a kiang ua thu diklo tak ah la la genlawk sekte zosia pum ah thiden in, vui in hung um den ta’n lau, ti in.

JEREMIAH 28:11

Chuleh, Hananiah chun mipi zosia het in, “Lalpa‘n zia gual hin a gen hi: Zia gual hin Babulon Lengpa Nebukadnezar ngawngkol, nam zosiate chung ah um chu, zia kum ni sung ngei ah hin subong ding ka hi, a tii,” ti’n a gen ah. Zia thu a gen zaw phat ah chun jawlnei Jeremiah in a nusia tai.

JEREMIAH 28:13

Chia inla, Hananiah kiang in, Lalpa‘n zia gual hin a gen hi vati’n, “A thing ngawngkol uh la khetbot piak chu, thîk ngawngkol ah hun then piak ding ka hi!

JEREMIAH 28:15

Jawlnei Jeremiah chun jawlnei Hananiah kiang in, “Ngai tia Hananiah, Lalpa‘n nang a hun sawl lo pi’n zia mipite hi zuau thu la ginchaksak a.

JEREMIAH 29:21

Sepai honte Lalpa, Israelte Pathian in, Kolaiah chapa Ahab tawh, Maaseiah chapa Zedekiah, ka min ah zuau thu la kiang ua hung gen teni chungchâng kha zia gual hin a gen hi: Amau teni hi Babulon Lengpa Nebukadnezar khut ah pedok ing ka tin, la mit mu ngei un that ding ahi.

JEREMIAH 29:31

Saltângte zosia kiang in zia gual hin thot in: Nehelam ah um Shemaiah chungchâng thu Lalpa‘n zia gual hin a gen hi: Ka sawl lo pi’n Shemaiah in la kiang un thu a hung genlawk ah, zuau thu taksang ding ah a hung thep zaw ziakin,

JEREMIAH 37:19

Babulon lengpa chu nang do ding leh, zia gam hi do dingin hung talojen in a, ti sek, la jawlneite chu khoi ah um zo a hitau em?

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

JEREMIAH 8:11

Ka mite beliamna chu a kaitua dukdak puau in, thamuanna ding a umlo inle, “Muanna, Muanna,” a ti sek ui.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

EZEKIEL 12:24

Israel Inkuante lak in thil mulawkna lêm leh kipathian misakna um kit talo ding ahi ngala.

EZEKIEL 13:2

Mihing, Israel jawlneite, amau ngaidan leh suangtuana mai ah thu gen, jawlneite kãl in zia gual hin vagen in: “Lalpa thu hi ngai un,” ti’n la.

EZEKIEL 13:23

kilâkna zuauthei mu ta pua’n la tiu in, phunle sân ta pua’n lau; ka mipite la khut ua kipat hukdok ding ka hi’ngâl a. Ziaphat chuleh, keima hi Lalpa ka hi ti hun he ta’n lau.

EZEKIEL 21:29

Nang â ding ah kilâkna lêm etsak, nang thêm ding ah âisânna zuau thu leh, nunsiate ngâwng ah chemjam, a chung thu vaihawmna nunung ding chu, a hung tung hi.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

ZEKARIAH 10:2

A Inkuan pathianteu chun thu man lo mai mai a gen sek un, âisânte chunle zuau thu bep a muu in; mangsânte’nle mang diklote gen in, a thamuanna thugen uh a thawn mai ahi. Ziaziakchun, mipite chu belam gual in a vak jak zo tau a; belamching ding tâksap ziakin a thuak gim zo tau hi.

ZEKARIAH 13:3

Chuleh, jawlnei dang him himle a hung pia’n kit khâk ahi chun, amau hingtu, a nu leh a pate chun, “Lalpa min ah zuau gen la hiziak in thi ding la hiu,” ti’n au; chuleh, amau hingte a nu leh a pateu khan, a thu a gen lai tak un chei in sun lum ngal in au.

DAN LEKHABU 18:20

Himaleh, jawlnei kuale a gen ding ah ka piak hilo keima min ah thugen a hem, pathian dangte min ah thugen a hem a um chun, zia jawlnei chu thalup ding ahi,” a tia.

1 TIMOTHI 4:2

zia chu mi phalêmte juautheina ziakin ahi, amau chu a sia leh pha hetnau thîk âm ah bî piak gual a hiu in.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.