JEREMIAH 14:12 - PATHIAN LEKHABU THIANGTHO (BSI)

¹² Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 14:12 ပူးပေါင်းရင်းမြစ်များ

JOB LEKHABU 27:9

Buaina a hun tuak phat ua leh a kiko’na thawm uh, Pathian in hun ngaitha ding a hem?

THUPILTE 1:28

Ziaphat chuleh, ei hun ko in la tiu in, himaleh, hun dawnhu ta pua’ng ka; gunchu tak in ei hun hawl in la tiu in, himaleh, ei mupha ta pua’n lau.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

THUPILTE 21:27

Migilo kithoina chu luaksuak um tak ahi’n; ngaituana phalo pum ah a thillat hun chawi vang chu, bang gual bep in a luaksuak a um ta diam!

THUPILTE 28:9

Dan le ngaisak talo mi chu, a pauchapna le ki’dak um ahi.

ISAI 58:3

“Bang ding ah la mulo ding ah anngawl sek ka hiu em? La ngaisak lo ding ah bang a tia, kikoi niam sek ka hiu em?” la tiu a. Ngai tiam u, la anngawl niu ah chun, nang uh lunglutna dungzui bep ah bawl la hiu a, la nasêmteu chu, la êngbawl nalai ui.

JEREMIAH 11:11

Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.

JEREMIAH 11:14

Nang vang, zia mite â ding hin pauchap kin la, a sik leh jal unle dot piak in pauchap kin; a lungdon man ua ei hun ko phat uh leh a la ngaitha lo ding ka hi’ngal a.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 21:6

Chuleh, zia khawpi sung ah chêng zosia, mi hileh, gancha hileh, gawt ing ka tin, hipi huaisia tak in thi sik sek ding la hiu.

JEREMIAH 24:10

Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

JEREMIAH 8:13

Amau ka lak khawm guat phatin, grep gui ah a ga a la um ta pua’n, theichang kung inle a ga a la um ta puai; Lalpa‘n a tii; a duate nasan a vuaitha zo ta’n, amau ka piakte natiangle a la um ta puai.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

EZEKIEL 14:19

Ahiloleh, zia gam ah chun natpi ka sawl ah, a chung ua ka lungnatna thisan tawh kihel, mihing leh gancha that gam ding ah a chung ua ka butthâk chun,

EZEKIEL 14:21

Lalpa Pathian in zia gual hin a gen ngal a: Jerusalem gawtna palite, chemjam, kialna, gam sahângte leh natpi, mihing leh gancha that gam ding ah ka hun sawl hun ding chu a huaisia na ding e!

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

HOSEA 5:6

Lalpa hawl dingin a belam honteu leh, a bawng honteu tawh chia intiu in, himaleh, mu zo pua’n au; amau a kilepdok san ta’ngal a.

AMOS 5:21

La kûtteu ka hua hen bangma’n ka ngai puai; la khawmpi gun takteu chule ka kipakpi puai.

MIKAH 3:4

Ziaphat chuleh, Lalpa hun ko intiu in, ahi’n la, hun dawnhu ta pua’n a; ziaphat chuleh, nunsia tak ah a tawi ziak un, amau kisêl mangsan ta’n a.

ZEKARIAH 7:13

Amau ka ko lai ah ei ngaisak lo gual un, ke’nle ei hun ko phat uh leh ngaisak lo ding ka hi, sepai honte Lalpa chun a tii;

MALAKI 1:10

Nanghaw lak ah mi pakhat bêk ka mâichâm ah a thawn mai ah mei sêm ahilo’na ding ah, ka tempul kotkhak vakhâk ding um maileu chin aw! La chung ua kipakna him ka nei pua’n, la khut ua kipat thillat chu pom him him pua’ng ka, sepai honte Lalpa chun a ti ahi.

MALAKI 2:13

Chuleh, zia hile la bawl belap nalai sêt ui: La khut ua kipat thilpiak a lop tâk lo ziak leh a ngaisak tâk lo ziakin, Lalpa mâichâm chu kâna leh mauna mitthi tui in la luan khumsak zo tau a.

THUPUAN 6:8

Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.