JEREMIAH 14:10 - PATHIAN LEKHABU THIANGTHO (BSI)

¹⁰ Zia mite chungchâng ah hin Lalpa‘n zia gual hin a gen hi: Vâkmang a nuam tun tun un, a kengteu chu a thunun zo puau hi; ziaziakchun, Lalpa‘n a pom ta pua’n, tu’hin a nunsiatnau hezing in, a gitlonateu ziak ah chun, hun gawt ta’n a.

JEREMIAH 14:10 ပူးပေါင်းရင်းမြစ်များ

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

SAM 119:101

La thu ka zop zing theina dingin, lam diklo ah chun ka kengte hi ka suan nuam puai.

SAM 95:10

Zia khangte chung ah khan, kum sawmli hial ka lung a dam pua’n, “Zia mite hin ei kilepsan un, ka lampite a ngaisak puau hi,” ka la ti ta ahi.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

EZEKIEL 29:16

Aiguptate chu Israel Inkuante’n kisuanpi ngai ngai ta pua’n au; a panpi ding ah a vachial phat uh leh le, a la bawl khial dan uh hiatsak zaw ta’n au. Ziaphat chuleh, Kei hi Lalpa Pathian ka hi ti hun he ta’n au.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 11:9

Ka lungnatna huaisia tak chu mualsua pua’ng ka tin; Ephraim susia kit pua’ng ka; mihing hilo in Pathian nangmau lak ah, Thiangthopa chu ka hi’ngal a. Chuleh, lungna kawm inle hung lo ding ka hi.

HOSEA 7:13

Ka kiang ah kipat a vâk mang ziak un, a chung uh a gik hi! Ka chung ah a helnau ziakin, a chung un siatna tung in a! Amau hukdok nuam maleng, ka chung ah zuau thu bep a gen ui!

HOSEA 7:2

A gitlonau zosia ka he suak hi ti lam a ngaitua puau hi. Tu’hin, a thil bawlteu in a umchil ta’n, ka ma-âng ngei in a um tau hi.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 9:9

Gibeah ah a um lai gual uh khan, amau leh amau nasa tak in a kisubuak ui; a khawlonau chu hezing intin, a gitlonau chu gawt ding ahi.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

AMOS 5:22

Hâlmang thillat leh thâi thillatte hun lân maleu chin, a la pom lo ding ka hi; la chamna thillat uh gancha thau tak takte chule, hun ngaisak diak pua’ng ka.

HEBRAITE 8:12

A diklonau chung in jangai ing ka tin, a gitlonau leh bawsiatnau chu hezing ta pua’ng ka,’ a tia”.

1 SAMUEL 15:2

Sepai honte Lalpa chun zia gual hin a gen hi: Aigupta gam ah kipat Israelte a hung pawt daw lai ua a la do ziak un, Amalekte chu gawt ding ka hi.