JEREMIAH 13:27 - PATHIAN LEKHABU THIANGTHO (BSI)

²⁷ Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 13:27 ပူးပေါင်းရင်းမြစ်များ

SAM 94:4

Amau chun kisathei tak in thu a gen un, a thil phalo bawl zosiau a kisuanpiu hi.

SAM 94:8

Mi lak lak ah thada pente haw; mingol, bangtik leh hung pil ding la hem?

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

ISAI 57:7

Mual leh tângsâng leh lian zosia chung in, la jalkhunteu la dawu in; zia vûm tiang ah chun, kithoina lân dingin la kal to sek un.

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

JEREMIAH 11:15

Zia gual tuk ah chu thil phalo a bawl zing lai un, ka ngainat ma ma te chun ka In sung ah bang thuneina nei nalai ding a hiu em? kipau tiamna leh kithoina sate chun la chung ua siatna tung ding chu heimang thei ding la kisau ah a hem? Ki-ân tak ah um thei nalai ding maw?

JEREMIAH 3:6

Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

EZEKIEL 16:23

Zia gual ah la gitlo zaw nung hin (la chung a gik hi! la chung a gik hi! Lalpa Pathian in a tii;)

EZEKIEL 2:10

Ka âng in a hun phel jak ah; a pêk ma lam leh nung lam kizik gêl ahi’n; kâna, lusûnna leh mauna thu ngen a kizik hi.

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 24:12

Ka gim thawn na e! A khîk sâ tak chu a bei diak pua’n, mei in a tuiêk a kâng thiang thei puai!

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

EZEKIEL 24:6

Ziaziakchun, Lalpa Pathian in zia gual hin a gen hi: Thisan sua hat khawpi chung a gik hi, sabel sung kângkhik, a bêlkhik hi’thian theilo ahi! A them them in thûkdok unla, têlchuam ding a um puai.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

EZEKIEL 36:37

Lalpa Pathian in zia gual hin a gen a: Gancha hon gual ah tam, mihing hi’pung dingin, Israel Inkuante kichial khawmsak ta’ng ka.

EZEKIEL 6:13

A milimteu ma-âng ah a gimtui hâlna munteu, gangpi thingbuk nuaite, thinghing bul tinte, tângsip tin leh mualsang tinte chung leh, a mâichâm bul tin ua a milimteu lak ah a mithi luangteu a um zeng zung phat leh, kei hi Lalpa ka hi ti hun he ta’n au.

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

HOSEA 8:5

Aw Samaria, la bawngno lim chu pai thâk ahi tai. A chung un ka lung a na ma ma hi. Thil phalo bawl zing in bang chan um nalai ding la hiu em?

ZEPHANIAH 3:1

Nuaisia hat, khawpi buak leh polche!

MATTHAI 11:21

Korazin, la chung a gik hi! Bethsaida, la chung a gik hi! Nangmau mit mu ah thilmak kibawlte kha, Tura leh Sidon khua’ kibawl hita ma leh, ma tak ah khan saidip puan sil in, vut lak ah kichu’n a gitlo uh haisan ta’n au.

2 KORINTH 12:21

Ka hung kit phat leh ka Pathian in la lak un ei himualpho khan tin, tu’ma lam ah thilhikhialte lak ah thilbuak hi’te, jawntatte leh hûk chîng ah haisan gaw lo mi tam tak chu kâ khum kha’ng ka ti le ka lau hi.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

THUPUAN 8:13

Ziazaw chun, ka et leh muthongpi khat vanlai jawl ah leng in, aw ngai tak in, “Vansawlchâk pathum um nalaite chun a pengkul uh a mût phat ua leh, lei chung ah um nalaite chung a gik hi, a gik hi, a gik hi!” a ti ka hia’n.