JEREMIAH 13:23 - PATHIAN LEKHABU THIANGTHO (BSI)

²³ Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

JEREMIAH 13:23 ပူးပေါင်းရင်းမြစ်များ

2 LENGTE 17:40

Zia gual ah a hil nung ah chunle a thu chu a ngaitha nuam diak puau ah, nidang ah a hi’dan ngai gual un a bawl zing nalai ui.

THUPILTE 27:22

Mingol chu sum ah suktum in buhum tawh, subuang khawm ziang lechinle, a ngolna chu subei thei diak pua’n la.

THUGENTU 1:15

A kawisa chu hi’zan thei a hita pua’n; a poimaw chule gensen ding ahi puai.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JEREMIAH 2:22

Changal leh sabon tam tak mang zo in, kisil ziang male chinle, la hi’khialna bepawn chu ka mu zing hi, Lalpa Pathian in a tii.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 9:5

A Invêngteu a thêm chiat un, thu dik gen a um puau hi; thiam tak ah zuau genna’n a lei uh a mang un, khawlo tak in a um un, gitlona haisan hak a sa ma mau hi.

1 SAMUEL 19:21

Zia thu chu Saul a hil phat un, midang a sawl kit ah; amau chule Thagau a hung chang chiat tau a. Tichun, Saul in a thumveina dingin mi a sawl kit ah, amau chule Thagau a hung chang kit chiat tau a.