JEREMIAH 13:22 - PATHIAN LEKHABU THIANGTHO (BSI)

²² La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

JEREMIAH 13:22 ပူးပေါင်းရင်းမြစ်များ

ISAI 20:4

Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

ISAI 3:17

Zion chanute puitu zosia chu, Lalpa‘n meimasia’n gawt intin, Lalpa‘n a zamawu hawkdaw piak in ah, ti in.

ISAI 47:8

Ziaziakchun, tu’hin ziate hi he ta’n, nang mi kinoptel leh bit kisa tak ah khawsa, la lungthim in: “Keima sâng ah lian kuama a um pua’n; meithâi gual in kichu pua’ng ka tin, ka chate le sûn pua’ng ka,” la ti’n.

JEREMIAH 13:26

Keima ma’n la nîk uh, la maichang tiang un hun hawkdaw piak ing ka tin, la zachatnau chu mu hita’n a.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 5:19

Chuleh, la mipite’n bang ding ah, Lalpa I Pathian un zia zosia hi, I chung ua hun tunsak ahi dia aw? ti ah a hun dot phat ua leh a kiang un, “Keima ei nusia in, la gam sung un pathian dangte lei hosan tâk ziak un; la gam uh hilo ah chun, nam dangte na sep piak ta’n lau,” ti’n gen in a tii.

KÂ LATE 1:8

Jerusalem chu lungkham um tak in a gitlo tâk ziakin, nuisan ah hung um ahi; ama ja zosia’n a simmaw tau a, a ngawnchang hi’na a mu tâk ziak un; lungngai in a thûm ta’n, a mai a sêlmang tai.

EZEKIEL 23:26

La nîk leh puante lîpthâk piak intiu in, la sana kicheinate lâkpiak ta’n au.

HOSEA 12:8

Ephraim in vang, “A he, ka hausa tai, hausakna ka kimudaw tai; ka chan zosia ah hin keima ah, gitlona ding sukkhialna mu in a um puai,” a ti hen.

HOSEA 2:10

Tu’n, a dawichâk te mit mu in, a jachâk umna chu hi’lang ing ka tin; ka khut ah kipat in kuama’n hukdok pua’n a.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

NAHUM 3:5

Sepai honte Lalpa chun, Ngai in, ka hun do la hi, la maichang tiang hial in la puanchên hawk ding ka hi; nam tin la ngawnchang hi’na etsak ing ka tin, lenggam tin in la jachâkna mu ta’n au.

ZEPHANIAH 1:12

Ziaphat chuleh, thaumei chawi in Jerusalem hawl ing ka tin, amau kimuang ah, a lungthim ua: “Lalpa‘n thilpha bawl pua’n tin, thil sia le bawl diak pua’n a,” ti zosia chu gawt ding ka hi.

DAN LEKHABU 18:21

Nang un la lungthim un, “Bangti’n em zia thu hi Lalpa gen ahi puai ti ka hetkhen thei ding uh?” la tiu ahi chun,

DAN LEKHABU 7:17

La lungthim un, Zia mite hi keimau sâng in a tam zaw ngâl un, bangti’n suandok thei ding ka hiu em? ti’n,

DAN LEKHABU 8:17

La lungthim un, “Zia hausakna zosia hi ka thilhitheina leh keima hâtna ziak ah ka chan ahi,” ti kiu in.