JEREMIAH 13:20 - PATHIAN LEKHABU THIANGTHO (BSI)

²⁰ La mit uh teto unla, mallam ah kipat hung kuante chu en tiam un. La belam hon hoi tak, nang kiang ah hun kipia kha, khoilam tung zo a hitau em?

JEREMIAH 13:20 ပူးပေါင်းရင်းမြစ်များ

THUPILTE 14:28

Mipi tamna chu lengte lopina ahi’n; mipi a um lo chun leng chate chu a mangthai ui.

JEREMIAH 1:14

Ziaphatchun, Lalpa‘n ka kiang in, “Gam pumpi chung ah siatna ding mallam ah kipat in hung kuan ding ahi.

JEREMIAH 1:15

Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 23:2

Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 25:37

Lalpa lungnatna huaisia tak ziakin, huang nuam tak te chule suksiat ahi tai.

JEREMIAH 6:22

Lalpa‘n zia gual hin a gen a: En un, mallam gam ah kipat in mipi a hung ui; lei mong gamlatna pen ah nam thupi tak, hung kichok phûl ding a hiu.

HABAKKUK 1:6

Kaldaite, nam huham tak leh mi lungpâwngte, lei vailam dâp hial ah kizawt, a gam uh hilo lâkpiak dingin, ka hun choktho hi.