JEREMIAH 13:19 - PATHIAN LEKHABU THIANGTHO (BSI)

¹⁹ Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 13:19 ပူးပေါင်းရင်းမြစ်များ

2 LENGTE 25:21

A tun phat un, Babulon Lengpa chun a mi puite chu a la that ah, Hamath gam ah Riblah mun ngei ah chun a la that sik sek tai. Zia gual tak ah chun Judah chu a gam ua kipat in puak daw in a um tau hi.

1 KHANGTHU 9:1

Tichun, Israelte zosia chu a phunggui uh kisuina dungzui chiat ah chun zik lut a hiu a; zia haw zosia chu Israel Lengte Lekhabu ah chun zik lut vek ahi. Chun, Judah mipite chu a ginum lo ziak un Babulon gam ah sal ah pui mang in a um zo tau hi.

JOB LEKHABU 12:14

Ama’n a hisiat chu kuama’n sa kit thei ta pua’n a; ama’n a khak khum chu kuama’n hongthei ta pua’n a.

JEREMIAH 17:26

Ziaphat chuleh, Judai gam ah khawpite ah kipat leh, Jerusalem kiang vêl ah mun zosia kipat, Benjamin gam ah kipat, Shephelah ah kipat, tâng gam ah kipat leh Negeb lam ah kipat in hâlmang kithoinate leh kithoinate, thâi thillat dingte leh gimtuite hun chawi in, Lalpa In ah hin kipakna thilpiakte hun chawi khawm ta’n au.

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 24:1

Lalpa tempul mai ah theichangga bawm pani kikoi chu Lalpa‘n ei etsak a. Zia hun chu Babulon Lengpa Nebukadrezar in Judai gam ah Lengpa Jehoiakim chapa, Lengpa Jekoniah chu Jerusalem khua kipat Judai gam vaihawmte tawh, mi khutthiamte, thiksêk thiamte tawh a leng ua Babulon lam ah sal ah a puimang zaw nung uh ahi’n.

JEREMIAH 28:4

Chuleh, Judai gam ah Jehoiakim chapa Lengpa Jekoniah chule, Judai gam ah kipat Babulon sal ah pui mang ah um zosia kha tawh hun pui kit ding ka hi, Babulon lengpa ngawngkol chu khetbot piak ding ka hiziak in, Lalpa‘n a tii, ti’n a gen a.

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 33:13

Tânggam khawpite, Shephelah, Negeb lam leh Benjamin gam ah te, Jerusalem khaw kîmvêl ah te leh Judai gam khawpite ah chun, gancha hon a simpa khut nuai ah chun gan hon chu kijawt duam duam kit ding a hiu, Lalpa‘n a tii.

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

JEREMIAH 52:28

Nebukadrezar in sal ah a pui mang jat chu: A lal kum sagi’na chun Judai gam ah kipat in mi sang thum leh sawmni leh thum a pui mang a;

JEREMIAH 52:30

Nebukadrezar lal kum sawmni leh thum tin kum in, a vêngtute lak ah hotulian Nebuzaradan in Judai gam ah mi za sagi sawmli leh nga a pui mang kit a; tichun, a leng un sangli leh za guk chu pui mang a hiu.

KÂ LATE 1:3

Judah chu sal ah puimang ah um in, genthei tak ah na sepsak ahi tai; nam dangte lakah um in, chawldamna him a nei puai; ama hun delte chun a lungdon lai tak in, a hun delpha tau hi.

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

DAN LEKHABU 28:15

Himaleh, Lalpa la Pathian uh pha tak ah la ngaisak lo ua, tu’ni ka thuhil gual ah, a thupiakte leh a vaihawmna dante la zui lo ua leh, zia hânsia zosia hi la chung un hung tung intin, hun phanot in a.

DAN LEKHABU 28:52

La kisuanpi la kulbâng sâng tak tak teu leh, la chênna khawpiteu zosia a chip suak masangsia, ûm chimit in au; Lalpa la Pathian un a hun piakna gam ah chun la chênnau khawpi zosia chu hun ûm suak ta’n au.

JOSHUA 18:5

Mun sagi in kihawm phot uh hen la, Judah in simlam ah a gam uh luau hen la, a ban ah Joseph Inkuan in mallam pang ah a gam uh luau hen.