JEREMIAH 13:17 - PATHIAN LEKHABU THIANGTHO (BSI)

¹⁷ Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 13:17 ပူးပေါင်းရင်းမြစ်များ

SAM 119:136

La dan bawsiat ahi ziakin, ka mitthi tui luipi gual in a luang tai.

SAM 80:1

Aw, Israelte vengpa, belam hon gual ah Josephte puipa, la bil hun daw in! Nangma cherubte chung ah kichupa, hung vakdok inla,

ISAI 63:11

Ziaphatchun, malai ah a suakpa Mosi kha a hezing hi. Tuisuagiat lak ah kipat amau leh belam honte tawh, a belam chingteu puidokpa kha khoi lam tung zo ahi tam? A lak ua A Thagau Thiang koipa kha khoilam tung ahi tam?

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 15:17

Nunnop bawl mite lak in ka kichu pua’n, ka limpi diak puai; la khut delgikna nuai ah kei ngen in ka kichu sek a, nang in lungkim lona’n lei sungdim ta’ngal a.

JEREMIAH 17:16

Himaleh, nang â ding ah belampu ka panna kipat in, ka tai mang pua’n, a siatna ding uh ni chu, hung tung leh le ka ti diak puai. Ka kam ah bang gual thu hung pawt ahi em ti ka hia’n; la mit mu in a kichian ngâl a.

JEREMIAH 22:5

Himaleh, zia thute hi la ngai lo ua leh vang, zia In hi a hawm ah nutsia in hung um tei tei ding ahi, ti’n Lalpa‘n keima min in ka kihaksial hi, ti’n a gen hi.

JEREMIAH 23:1

Ka gantatna mun ah belamte that ah, naw jak bep belampute chu a chung uh a gik na e! Lalpa‘n a tii.

JEREMIAH 23:2

Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

KÂ LATE 1:16

Zia thilte ziak hin ka kap in; ka mitthi tui a luang hi; thamuantu ding leh ei hi’hat ding, a gamlat tâk ziak in; mêlmate’n ei nuaisia tâk ziak un, ka vonchoiteu nutsia in a um zo tau.

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

KÂ LATE 1:9

A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

KÂ LATE 2:18

Ngai tak in Lalpa ko un! Aw Zion chanu kulbâng! A sûn a jan in hoktui gual in, la mitthi tui uh luang ta hen! Chawlnga kiu inla, la mit le chawldam tik um ki’hen!

KÂ LATE 3:48

Ka mipite suksiatna ziakin, ka mitthi lui tui gual in a luang hi.

EZEKIEL 24:16

Mihing, phutlo in la mu nop pen te chu lamang ding ka hi; himaleh, kap pua’n la tin, sûn diak lo in, la mitthi le pawt pua’n a.

EZEKIEL 34:31

Nanghaw ka belamte, ka gantatna mun ah belamte chu la hiu ah; Keima hi la Pathian uh ka hi, Lalpa Pathian in a ti ahi, ti in.

EZEKIEL 36:38

Kithoina ding ah gancha kikai khawm, Jerusalem ah kût ni kikai khawm ah dim gual in, khawpi sesa zosia chu mipi’n lua dim kit hita’n a. Ziaphat chuleh, Keima hi Lalpa ka hi ti hun he ta’n au, ti in.

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

1 SAMUEL 15:35

Samuel in Saul chu a thi ni tilo in a mu kha kit ta pua’n; himaleh, Saul chu Samuel in a sûn ma ma hi. Chun, Israelte chung ah leng hiding ah Saul a la siam ziakin Lalpa chu a kisik ma ma tai.