JEREMIAH 13:16 - PATHIAN LEKHABU THIANGTHO (BSI)

¹⁶ Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 13:16 ပူးပေါင်းရင်းမြစ်များ

JOB LEKHABU 3:5

Lungkhamna ni leh thimjin ni hi hen. Sûmpi’n chup khum hen la; sûm ah thim jing chun hilau ta hen.

SAM 107:10

Khenkhatte thim nuai ah gentheina thuak in a chuu ah, thikkol but leh genthei ah saltâng a hiu a;

SAM 107:14

thim lak leh thi’na lim nuai ah kipat in a puidok ah, a kol buteu chu a ât tan piak tai.

SAM 29:2

Lalpa kiang in a min lopina piau inla, thiangtho hoina kijem in Lalpa ho tau in.

SAM 44:19

ahi’n, si-al hon lak in lei koi a, thim sâ tak in lei tuam nalai hi.

PAWTDAWNA THU 10:21

Lalpa chun Mosi kiang in, “La khut chu van lam in vak jak tiam in, Aigupta gam sung ah thimna, khoikhâk thei hial ding ah thim a ji’n theina dingin,” a tia.

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

THUGENTU 11:8

Kum sawt tak damte chule zia zosia ah chun kipak uh hen la; ahi’n la, haksatna nikhua chu sawt tak hung hiding ahi ti hi hezing uh hen. A hung tung ding zosia hile bangmalo mai mai ahi.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 59:10

Mitthûm gual in bâng ka jût un, mit beite gual in ka kimai ui; thim lak ah kisui gual in, sûnchang lai tak inle ka kisui un, mi thatho takte lak in, mithi ka bang bep ui.

ISAI 59:9

Ziaziakchun, vaihawmna dik ah kipat chun, ka gamla tau in, diktatna chun ei pha zo ta puai; vâk ka hawl unla, thimna bep a hizawi; vâkna hawl lai chu thim lak in ka chia tau hi.

ISAI 60:2

Lei hi thim in khû in, mipite chu thimna sâ tak chun hun tuam intin; himaleh, Lalpa vâk in hun sal in, a lopina chu la chung un hung kilang ding ahi.

ISAI 8:22

chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

JEREMIAH 14:19

Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 23:12

Ziaziakchun, a lampiteu chu, thim lak ah lamnâl gual hihen la, zia tak ah chun naw lut ah um in, kipuk sik sek tau hen; amau ka gawtna kum a tun phat leh, a chung un siatna hun tunsak ding ka hi’ngal a, Lalpa‘n a tii.

JEREMIAH 4:23

Lei chu ka vak en ah, ngaitia suksiat ah um leh a hawm ahi tai; vante le ka et leh, vakna a nei ta puau hi.

JEREMIAH 50:6

Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

JEREMIAH 6:21

Ziaziakchun, Lalpa‘n zia gual hin a gen hi; En in, zia mite âng ah hin a kisuina ding un, kipalpâina suangpi ka koi hi; nu leh pa leh a chateu, a Invêngpa tawh a lawipha le mangthai khawm sik sek in au.

JEREMIAH 8:15

Thamuanna I hawl un, ahi’n la, thilpha bangma I mu puau hi; sukdamna hun I hawl un, ahiziak in, tizatna ngen a hizaw tai.

KÂ LATE 4:17

Panpi kinem ah thîlna’n ka mitteu a chau zo ta’n; ei hukdok thei lo ding, nam dangte lak ah kinem tak in I la thîl ui.

EZEKIEL 21:15

ziaziakchun, lung a thuai zo ta’n, mi tam tak a pûk tau hi. A kotpi tin un chemjam hiam ka koi piak zo tai. Katei! Vai ding ah siam ahi’n, mi tha’na ding ah nawtval ahi.

EZEKIEL 34:12

Belampu’n a belam vâkmang a hawldaw gual in, ka belamte hawldok ing ka. Sûm jinni leh thimpi jing lak ah vakjakte chu, a vakjaknau mun zosia ah kipat in pui khawm kit ding ka hi.

EZEKIEL 36:15

chuleh, nam dangte hosiatna git leh mite musit ah hun umsak kit talo ding ka hi; chuleh, la mipite kipal pâisak kit talo ding la hi, Lalpa Pathian in a tii.

JOEL 2:2

thim leh vannîm ni, sûm ji’n ni leh thim sâ ni ahi! tâng chungte chu thim in meikhu gual in, sepai tam tak leh hat a hung ui; zia gual chu masang ah kipat in, a la um kha naipua’n, bangmatik in um kit talo ding ahi.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

AMOS 5:18

Lalpa ni ngainate haw, la chung uh a gik na e! Bang ding ah Lalpa ni ngaina la hiu em? Zia ni chu vâk hilo in, thim ahi.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.

1 PETER 2:8

Chuleh, “Zia suang chu a kipalnau leh, a kipûknau suangpi a hung suak tai”. Thu chu a matlo ziak un, a kipalpâi tau hi; zia gual ding mawng ah chu guat a la hi tangal a.

1 SAMUEL 6:5

Tichun, gam subuai, vunnatna lim leh santhîm lim hi sana in bawl unla; chuleh, Israelte Pathian chu choihoina piau in; chutileh, la chung uh leh la pathianteu leh la gam chung ua a khut thâk hi a lakdaw thei khâk leh.