JEREMIAH 13:14 - PATHIAN LEKHABU THIANGTHO (BSI)

¹⁴ chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 13:14 ပူးပေါင်းရင်းမြစ်များ

2 KHANGTHU 20:23

Ammonte leh Moabte chun Seir Tânggam ah chêngte chu a thâgam masiau a do tau ah; chuleh, Seir-te a thâgam zaw phat un, amau leh amau a kithat tua sau sau ziang tau hi.

JOB LEKHABU 27:22

Daidawp lo hial in a sep un; a thilhitheina’ kipat, kin tak in a taidok tau hi.

SAM 2:9

Thîk tiang in amau chu khên kêk in la tin, bêlsêkte’n lei bêl a khet phel gual un, amau khên kêk ding la hi,” a tii.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

JEREMIAH 15:5

Aw Jerusalem, kua’n hun lainat a, kua’n hun sûn ding ahi tam? Kua’n hung kihei ah la chanchin, hung kan ta ding a hem?

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 16:5

Lalpa‘n zia gual hin a gen a: lusûnna In ah lut kin la, a sûn ding inle chia kin la, amau ziak inle lungkham him him kin; zia mite lak ah kipat hin ka thamuanna, ka ngilneina leh ka lainatnate chu ka lakmang ahi ta’ngal a, Lalpa‘n a tii.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 25:16

A lak un chemjam ka sawl piak ding ziakin, zia uain chu dawn kham in, hoi dong dong intiu in, a lungthim uh mansua ta’n au, a ti’n.

JEREMIAH 47:3

Sakol kengtaw git, kângtalai tai git leh, kângtalai keng kipei gite a het phat un, nu leh pate’nle a chateu ngaisak man talo in, a khutteu chu a zawitha zo tai.

JEREMIAH 48:12

Ziaziakchun, uain thawl ah kipat teidok ah, a thawl tei awng a, khen tel dik dek ding mi ka hun sawlna ding hun chu, hung tung ngei ngei ding ahi tai, Lalpa‘n a tii.

JEREMIAH 6:21

Ziaziakchun, Lalpa‘n zia gual hin a gen hi; En in, zia mite âng ah hin a kisuina ding un, kipalpâina suangpi ka koi hi; nu leh pa leh a chateu, a Invêngpa tawh a lawipha le mangthai khawm sik sek in au.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

EZEKIEL 24:14

Keima Lalpa hin ka gen tai; a hun tung ding ahi tai, bawl ngei ding ka hi. Kisûm pua’ng ka tin, hawi pua’ng ka tin, kipadâm pua’ng ka! La umdan leh la thil hi dungzui in la chung ah vaihawm ding ka hi, Lalpa Pathian in a tii, ti in.

EZEKIEL 7:3

Tu’hin, la chung ah tawpna a hung tung in, la chung ah ka lungnatna buntha ding ka hi tai; la umdan dungzui in la chung ah vaihawm ing ka tin; la ki’dak umna zosia ziakin, hun gawt ding ka hi.

EZEKIEL 7:4

Ka mit in hun hawi pua’n tin, khawtuana hun nei lo ding ka hi. La umdan dungzui in hun gawt ding ka hi’n, la ki’dak umna zosiau la lak un a umzing ngal a. Ziaphat chuleh, kei hi Lalpa ka hi ti hun he ta’n lau.

EZEKIEL 7:9

Ka mit in hun hawi pua’n tin, hun daidawp pua’ng ka. La umdan dungzui un hun gawt ding ka hi’n, la ki’dak umnau la chung un a umzing ngal a. Ziaphat chuleh, a hun bawl genthei chu, keima Lalpa ka hi ti hun he ta’n lau.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

EZEKIEL 9:10

Ke’n vang kimulosak pua’ng ka tin, daidawp diak pua’ng ka; a thilbawl dungzui un a luchung un tunsak zaw ta’ng ka,” a hun ti tai.

EZEKIEL 9:5

Ka het in mi dangte kiang ah chun, “Ama nung in khawpi sung paltheng unla, mite chu that malam pek un; kimulosak kiu inla, daidawp diak kiu in.

HOSEA 2:4

Thanghuainu chate a hiziak un, A chate chung ah le lainatna nei pua’ng ka.

ZEKARIAH 11:6

Lei chung ah chêngte chu lainat ta pua’ng ka, Lalpa‘n a tii. Mitin a Invêngteu leh a lengpau khut in pûksak ing ka tin, a gam uh susia’n tiu in, a khut ua kipat in pakhat chale hukdok lo ding ka hi atii,” ti in.

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

MARKA 13:12

Zia tak chuleh, mi pakhat chun a suapi chu tha dingin hun matsak in tin, Pa chunle a chapa, chate’nle a nu leh pateu do dingin kipan intiu in, a thina ding uh le hun ngaitua in au.

DAN LEKHABU 29:20

Lalpa‘n mawk ngaidam ziang nuam pua’n tin, zia gual ah ngaituate chung ah chun Lalpa lungnatna puangjak kha’n a. Zia lekhabu ah sapsiatna kigen zosia hi a chung un tung intin; a min uh Lalpa‘n van nuai ah thaimang mai ding ahi.

1 SAMUEL 14:16

Benjamin gam ah Gibeah ah kipat entha ding ah Saul in a koite chun, mipi kinawktua lumlette chu a vak gâl mu tau a.