JEREMIAH 13:11 - PATHIAN LEKHABU THIANGTHO (BSI)

¹¹ Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

JEREMIAH 13:11 ပူးပေါင်းရင်းမြစ်များ

SAM 135:4

Lalpa‘n Jakob chu ama â ding bîk in a kitêl ta hen, Israel hi a gochan dingin a kitêl ta ngal a.

SAM 147:20

Ama’n namdangte lak ah kua chung inle, zia gual chun a bawl ngai pua’n; a dan siamte chule a he diak puau hi. Lalpa chu pâk tau in!

SAM 81:11

Himaleh, ka mite’n ka aw a ngai nuam puau a; Israelte’n ka thu a mang puau hi.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

JEREMIAH 13:1

Zia gual hin Lalpa‘n a hun gen a: “Chia inla, puan malngat ah kibawl dialchen vachaw’n la, la kawng ah chêng inla, chuleh, tui ah dia kin,” a ti’n.

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 13:12

A kiang un zia thu hi la gen ding ahi: Israelte Pathian, Lalpa‘n zia gual hin a gen hi ti’n la: Uain thawl zosia chun uain thun dim un. Ziaphat chuleh, amau haw chun, “Uain thawl zosia chu uain ah sun dim hung hita ding ahi helo dingin lei gingchau ah a hem?” ti’n au.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 32:20

Aigupta gam ah tepte’na leh, thilmak tam tak la la etsak ah; tu’ni tiang ah Israelte leh nam dang zosiate lak inle, tu’ni chan ah la min mang lo ah um dingin la bawl hi.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

AMOS 3:1

Aw Israel mipite, Aigupta gam ah kipat ka puidaw Inkuan zosiate haw, nang uh demna thu Lalpa‘n a gen hi ngaitha tau in:

LUKA 10:11

La khawlai leivui uh ka kengpêk ua bek hile nanghaw demna dingin, la chung un ka hun thinthâk khum la hiu. Ahi’n la, Pathian gam chu la kiang ua hung tung ding ahi tai ti hiau in, ti malam pek un,” a tia.

DAN LEKHABU 26:18

Tu’ni hin Lalpa‘n a thutiamna dungzui ah, ama â ding bîk hi’ding leh, a thupiakte la zopna ding un, la lemsaknau a chang tai;

DAN LEKHABU 26:19

ama’n nanghaw nam zosia lak ah a hun koisân ah, pakchat um, minthang leh ja um tak ah hun bawl dingin; chuleh, a la kitiamna dungzui ah, ama Lalpa la Pathian uh â ding ah nam thiangtho la hi’ding uh ahi.

DAN LEKHABU 4:7

I ko phat si’n leh naicha um zing, Lalpa I Pathian uh gual hi, kua nam inle pathian dang a nei kha ngai him him ua a hem?

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: