JEREMIAH 13:10 - PATHIAN LEKHABU THIANGTHO (BSI)

¹⁰ Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 13:10 ပူးပေါင်းရင်းမြစ်များ

SAM 78:8

a suanteu dungsûn ah suan lochal leh, kiphin chîngte, suan thumang lo, Pathian lak ah lungthim ginum lo pu’, a umlo’na ding un.

THUGENTU 11:9

Aw khanglai, la khangdawng lai nikhua hin lim inla, la lên lai ni hin la lungthim chu hilim in. La lungthim doidan leh la mit mu nopdan ah chun chia in; ahi’n, zia haw zosia ah hin, Pathian in vaihawmna hun pui lût ding ahi ti hezing in.

ISAI 3:24

A gimtui uh ui ta’n tin, a ngaltuamnau thasâng un khauhual; a sam uh pha tak ah het malak sâng un, a luchang uh kol intin; puan man tam lopi tak malak in, saidip puan khu’khum hita’n tin; a mêlpha thei pen ah kithuam malak sâng in, zachatna’n kithuam ta’n au.

JEREMIAH 11:10

Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 11:18

Ei hiatsak chu Lalpa ahi, ti ka he tai; nang in a thil phalo bawlteu chu lei etsak tai.

JEREMIAH 13:7

Ziaphatchun, Euphrates luipi’n ka vachia ah, ka dialchên sêlgûk kha puaidok in, ka vala kit ta’n. Ahi’n, tu’hin zia dialchên chu a la ngot ta’n, a mat tâk ta puai.

JEREMIAH 16:12

la pu leh pateu sâng ah sezaw’n la hung um nalai un, la leng un zia tak ah hin ka thu ngai lo in, la doinau phalo tak chu lu’lul tak in la zui tei tei nalai ui.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

JEREMIAH 44:5

Himaleh, a pathian dangteu kiang ah kithoina lân talo ding leh, a nunsiatnau haisan ding ah ka dotna ei ngaisak lo ah, a bil unle a ngai nuam puau a.

JEREMIAH 5:23

Zia mite hi vang mi lu’lul leh, lungchang ah helmang a hiu; a kihei un, a kigêl mang zo tau hi.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

JEREMIAH 9:13

Chun, Lalpa‘n a gen ah: A zui ding ua a ma-âng ua ka dan koite kilepsan ah, ka thute a mat lo ziak leh a zui lo ziak un,

JEREMIAH 9:14

a pu leh pateu in a hilnau dungzui ah Baal a delzui un, lu’lul tak ah a lungthim dawi dan uh a zui zawk tak ziak un.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

KISIMNA LEKHABU 14:11

Chun, Lalpa chun Mosi kiang in, “Zia mite hin ei musit tak ah bang chan um ding a hiu em? A lak ua teptênate bang jat ka bawl ah le ei taksang nai diak lo ding a hiu maw?

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!