JEREMIAH 12:8 - PATHIAN LEKHABU THIANGTHO (BSI)

⁸ Ka gote chu kei â dingin, gammâng ah sakeibaknei tawhbang a hitau in; keima ei dem in a ngai thei pen in aw a suau in, ziaziakchun, amau chu ka hua ahi.

JEREMIAH 12:8 ပူးပေါင်းရင်းမြစ်များ

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 51:38

Sakeibaknei gual in kitum khawm intiu in, sakeibaknei note gual in ngîk ta’n au.

EZEKIEL 23:18

Nîk leh puan bei ah thanghuai tak ah a kinoptel lai in, a suapinu ka la ki’dak ma ma gual khan ama le ka kiheisan tai.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

AMOS 6:8

Lalpa Pathian chu ama min ah kihaksial in, (Sepai honte Pathian, Lalpa chun a ti ta ahi:) Jakob kisaktheina chu ka ki’dak in, a kulpite chule ka hua ahi; a khawpi leh a sung ah um zosia chu pedok ding ka hi.

MIKAH 2:8

Himaleh, nanghaw vang ka mite chung ah, mêlma gual in la hung dingdok tau in; kido nuam lo ah gâlmuang tak ah, vâkvêlte lak ah kipat in, a puanâk chualteu la sât thâk piak tau hi.

ZEKARIAH 11:8

Tha khat sung in belam ching pathumte chu ka naw mang ah, amau inle ei ningtel ziak un, amau chan ka ngâk zo puai.