JEREMIAH 12:6 - PATHIAN LEKHABU THIANGTHO (BSI)

⁶ La chanaute leh la Inkuanpite nasan in, dawha phalo tak in a hun bawl nalai sêt un; a aw neisun un a hun ko zui un, bang gual ah thu pha gen maleu le, amau chu taksang ta kin.

JEREMIAH 12:6 ပူးပေါင်းရင်းမြစ်များ

JOB LEKHABU 6:15

Ka gualte chu luicha tui, khawkhâl phat leh kang sek gual;

SAM 12:2

Mitin in mi maiphatna leh lungthim thua ngen pu’n, zuau thu ngen a gen tau hi.

SAM 12:3

Lalpa‘n mi maiphatna mûk leh, kisathei tak ah thugenna lei zosia chu ât tan hen la:

SAM 69:8

Ka chanaute lak ah malzin ka hung hita’n, ka nu chate lak ah gam dang mi ka hung hi tai.

THUPILTE 23:8

La nêklutsa neucha chule lawdok kit in la tin, la pakchatna thugente chule a thawn hi’n a.

THUPILTE 26:25

la mêlma’n thu pha gual tak a gen inle taksang kin, a lungthim chu thil ki’dak um ngen pasagi sêt ah dim ahi ngal in;

ISAI 31:4

Lalpa‘n zia gual hin ka kiang in a gen ngal a: Sakeibaknei, sakeibaknei vanglai in, a samat chung ah a kitum lai tak in, belamchingte chu a naw dingin a hon ah hung in, bang gual husa nei maleu, a lau diak lo gual un, Zion tâng leh a mual chung ah, sepai honte Lalpa chu, hung kuan suk ding ahi.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 11:21

Ziaziakchun, Anathoth khua mite, la hinna lâk gua, “Lalpa min in thu gen ta kin; achutiloleh, ka khut lum un thi mai ding la hi,” hun tite chung thu ah Lalpa‘n zia gual hin a gen a:

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 9:2

Aw, gam keu ah khualbûk nei in, ka mipite nusia in vaum daw san ziang leng ka nuam na e! ângkawm leh suam mang ngen ahi ta’ngal un!

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

JEREMIAH 9:4

La Invêngteu lak ah kivêng unla, la chanauteu kuama gingcha kiu in; la chanauteu zosia mi suandaw hat a hiu a, la Invêngteu zosia le, mi gensia ding ah vak-hat ahi ngal un.

JEREMIAH 9:5

A Invêngteu a thêm chiat un, thu dik gen a um puau hi; thiam tak ah zuau genna’n a lei uh a mang un, khawlo tak in a um un, gitlona haisan hak a sa ma mau hi.

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

MARKA 12:12

Zia thu chu amau demna a gen ahi ti a het phat un, ama chu mat a nuam tau a; himaleh, mipite chu a lau tau a; tichun, ama chu nusia in a chia mang tau hi.

JOHAN 7:5

a suapite nasan inle a gingcha nai puau a.

NASEPTE 16:22

Ziaphatchun, mipi chu amau nialkãl dingin a hung pung khawm tau a; thukhentute chun a puan uh a lîpthâk piak ua, amau chu savun khau ah vok dingin thu a hun piau a.

NASEPTE 18:12

Akaia gam vaipua ah Gallio a pan phatin, Judate chu Paul dodâl ding in a hung kithutuak tau a; tichun, ama chu vaihawmna Inpi ah a hun kai lut pai tau a.