JEREMIAH 12:14 - PATHIAN LEKHABU THIANGTHO (BSI)

¹⁴ Lalpa‘n zia gual hin a gen hi: Ka mi Israelte’n a luana ding ua ka piak, go ah a lua ding uh gam chu a la khoikha, a kîm leh vêl ah nam gilo zosia chu, a gam ua kipat in suandok ing ka tin, a lak ua Judah Inkuan ah mite zosia chule ladok ding ka hi.

JEREMIAH 12:14 ပူးပေါင်းရင်းမြစ်များ

SAM 105:15

a kiang un, “Ka sathaunu’te hi khoikha kiu in; ka jawlneite le khoikha kiu in,” a la ti’n.

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

JEREMIAH 2:3

Israelte chu Lalpa â ding ah thiangtho a hiu in, a ga masa pen chu ahi. Amau ne tapo chu thiamlo chang a hiu; a chung un siatna tunsak ding ka hi, Lalpa‘n a tii,” ti in.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

JEREMIAH 48:1

Moab chungchâng, Sepai honte Lalpa, Israelte Pathian in zia gual hin a gen a: Katei, Nebo khua chu suksiat ahi tai! Kiriathaim chu sukmualpho a hita’n, sal ah pui mang a hitau hi; a kulpi det chu a mualpho ta’n, suksiat in a um tai.

JEREMIAH 48:47

Ahi’n la, ni nunung lam tak leh, Moab vangphatna tungding kit ding ka hi, Lalpa‘n a tii.

JEREMIAH 49:1

Ammonte chung thu ah Lalpa‘n zia gual hin a gen a: Israel in chapa nei lo a hem? golua ding nei lo a hiu em? Bang ding ah Milkom in Gad khua suandok ah, a khawpite ah a mipite chêng den ziang a hitau em?

JEREMIAH 49:7

Edomte chung thu ah Lalpa‘n zia gual hin a gen hi: Teman ah pilna um talo a hem? Mipilte lemhiatna bei ta maw? A pilnau bei zo ta mai maw?

EZEKIEL 28:25

Lalpa Pathian in zia gual hin a gen hi: Israel Inkuante a kithe’cheknau mun tin ah kipat ka pui khawm kit ah, nam tinte mit mu ah ka thianthona ka tâklat phat leh, ka suak Jakob kiang ah ka la piakna, a gam uh chun chêng ta’n au.

EZEKIEL 28:26

Bit tak in chêng ta’n tiu in, a In ding uh kisak in, a grep huanteu kibawl ta’n au. Amau simmaw ma ma a Invêngteu zosia chung ah vai ka hawm phat leh, bit tak in chêng ta’n au. Chun, Keima hi Lalpa a Pathian uh ka hi dan hun he ta’n au, ti’n a gen a.

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

EZEKIEL 36:5

Lalpa Pathian in zia gual hin a gen hi: A gam phatna la etlel ziak ua ka gam suam ah nei den, kipak ma ma leh Edomte zosia dem in ka thangthîpna meikuang hial in ka gen ahi.

EZEKIEL 37:21

a kiang un, Lalpa Pathian in zia gual hin a gen hi: A la chiamangnau namtin lak ah kipat in, Israel mipite chu puidok ing ka tin, mun tin ah kipat pui khawm ing ka tin, a gam un pui tung ing ka.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

ZEKARIAH 1:15

chuleh, kinoptel tak ah um namte chung in ka lung a na ma ma hi; ka lungnatna neucha ahi lai in siatna huaisia zaw diak a hun bawl un.

ZEKARIAH 2:8

(A lopina’n ei sawldaw zaw phatin,) Nangma hun suamte chung châng, sepai honte Lalpa chun zia gual hin a gen ta’ngal a: Nangma hun khawi kha taphot chun, ka mit naucha ei khawi piak a hiu.

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.

DAN LEKHABU 30:3

Lalpa la Pathian un hun tung ding kit in, hun khawtua ta’n tin; chuleh, Lalpa la Pathian un namtin lak ah a hun thejakna gam zosia ah kipat in hun puikhawm kit ta’n a.