JEREMIAH 12:12 - PATHIAN LEKHABU THIANGTHO (BSI)

¹² Gamkeu ah tâng gawchâk tin ah kipat in, gam hisia dingte chu a hung suk un; Lalpa chemjam chun gam mong langkhat lam ah kipat, a langkhat lam tiang in hun that gam intin, a suakcha um pua’n au.

JEREMIAH 12:12 ပူးပေါင်းရင်းမြစ်များ

ISAI 34:6

Lalpa chemjam chu thisan in a dim ah, sathau in a kijut zol ah, belam leh kêl thisan, belamchal kãl ah thaute chun a kijut zawl hi. Lalpa‘n Bozrah mun ah chun, kithoina siam in, Edom gam ah chun kitha’na, huaisia tak a hung um ta’ngal a.

ISAI 57:21

Mi nunsiate â dingin thamuanna ding a um puai, ka Pathian in a tii.

JEREMIAH 15:2

Amau in la kiang ah, “Khoi lam ah chia ding ka hiu em?” a hun ti phat ua leh a kiang un, Lalpa‘n zia gual hin a gen hi, ti’n la: “Natpi’ thi ding ah guat ah umte chu, natpi’n thi’n tiu in; chemjam ah thi ding ah guat ah umte chu, chemjam ah thi’n tiu in; kial ah thi ding ah guat ah umte chu, kial in thi’n tiu in; sal ah tâng ding ah guat ah umte chu, sal ah tâng ta’n au,” ti in.

JEREMIAH 16:5

Lalpa‘n zia gual hin a gen a: lusûnna In ah lut kin la, a sûn ding inle chia kin la, amau ziak inle lungkham him him kin; zia mite lak ah kipat hin ka thamuanna, ka ngilneina leh ka lainatnate chu ka lakmang ahi ta’ngal a, Lalpa‘n a tii.

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 3:2

Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

JEREMIAH 3:21

Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, Lalpa, a Pathian uh hemil ah ah, a la tawi khawlo zaw tâk ziak uh ahi.

JEREMIAH 30:5

Lalpa‘n zia gual hin a gen a: Muanna aw hilo in, patau aw leh dipchâkna aw ka la hiau a.

JEREMIAH 34:17

Ziaziakchun, Lalpa‘n zia gual hin a gen hi: Kuama’n a Invêngteu leh a gualteu thâdok ding ka ti gual in la zawm puau ah; nanghaw chung ah chemjam, natpi leh kial hung tung dingin ka thâdok tai, Lalpa‘n a tii. Khawvel lenggam zosia’n a tizat ding uh la chung un hun tunsak ding ka hi.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.

JEREMIAH 46:10

Zia ni chu Lalpa Sepai honte Pathian ni guat chu ahi, phuba lâk ni ahi’n, a mêlmate a soisak ni chu ahi. A chemjam in that gam intin, a du-khop tak in a thisan uh dawn ta’n a. Mal gam ah Euphrates lui pang ah, Sepai honte Lalpa Pathian in, kithoina a siam ta’ngâl a.

JEREMIAH 47:6

Katei, Lalpa Chemjam! Bang chan thip nalai ding la hem? La chempâi ah kithun lut inla, kichawldam in la thip ta’n!

JEREMIAH 48:2

Moab minthanna a bei ta’n, Heshbon ah chun a siatna ding a guanggal un: “Hung un, nam khat ahi nau hi, sumangthai hitiu,” a tiu a. Aw Madmen, nang le sukthip in hung um in la tin, chemjam in hun delzui ding ahi.

JEREMIAH 8:15

Thamuanna I hawl un, ahi’n la, thilpha bangma I mu puau hi; sukdamna hun I hawl un, ahiziak in, tizatna ngen a hizaw tai.

KÂ LATE 3:17

ka thagau in muanna a mu pua’n; a nuam kiti him him bang gual a hile ka hemil tai;

EZEKIEL 14:17

Ahiloleh, zia gam chu gawt ding ah chemjam ka sawl ah, “Chemjam in a gam pumpi that hen,” ka ti ah, a gam ah gancha leh mihing a thâ gam chun,

EZEKIEL 21:28

Nang mihing in vang zia gual hin thu gen mai in: Lalpa Pathian in Ammon mite chung thu leh a demna zia gual hin a gen hi: Chemjam, Chemjam! Mi that ding ah jukdawsa’n a um hi. Val zo ding ah nawtval, kawlphe gual ah val ding.

EZEKIEL 21:4

La lak ua kipat midik leh mi nunsia ka sâttan ding ziakin, ka chemjam chu kipandok in, simlam ah kipat mallam tiang ah mite do dingin kuandok intin,

EZEKIEL 21:8

Chun, Lalpa‘n ka kiang in a hun gen a:

EZEKIEL 21:9

Mihing, zia gual hin gen in: Lalpa‘n zia gual hin a gen hi ti’n la: Chemjam, Chemjam chu tât hiam a hita’n, nawtval zaw ahi tai;

EZEKIEL 5:2

Khawpi lâkna ni a bukim phat leh, sam, se’thum sua a se’khat chu khawpi sung ah mei in hâltum inla; se’thum sua se’khat chu khawpi kîmvêl ah chemjam in sâttan sik sek inla; a se’thum sua se’khat dang chu hui tawsak inla, zia nung ah chun chemjam hun del zuisak ing ka.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

AMOS 9:4

A mêlmateu âng in sal ah lût maleu, zia tak ah chun chemjam thu pia’ng ka tin, amau chu that in a; a phatna ding uh hilo, a siatna ding un a chung ua ka mit nga’ng ka.

ZEPHANIAH 2:12

Nanghaw Ethiopiate le ka chemjam ah thalup in um ding la hiu.

DAN LEKHABU 32:42

Ka thalchangte chu thisan khamsak ing ka tin, ka chemjam in taksaphe zosia val zo in, thalup ah umte leh saltângte leh, mêlma samsaute thisan ngei chu.

THUPUAN 6:4

Sakol chuam dang khat a hung pawt ah, zia chu a san a hia; a chung ah chuangpa kiang ah chun, lei ah kipat kichamna lakdawna ding leh mi kithatuasak theina ding ah thilhitheina piak ahia; chuleh chemjam lian tak khat le a hun piau a.