JEREMIAH 12:11 - PATHIAN LEKHABU THIANGTHO (BSI)

¹¹ Gamnungsang a suaksak tau hi; a thawmhau ta’n, ka kiang in a mau tai. Gam pumpi thawmhau tak ah siam ahi tai, maleh, kuama’n bangma’n a ngai puau hi.

JEREMIAH 12:11 ပူးပေါင်းရင်းမြစ်များ

THUGENTU 7:2

Luaithe’na In ah chia sâng in, lusûnna In ah chia a pha zawi; zia chu mi zosia tawpna ding ahi ngal in; zia chu hing leh dam ah um zosia’n, lung ah gêl ding chu ahi.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 10:25

La lungnatna chu nangma he’phalo, gam dang mite chung ah sungtha’n la, la min lam ngai lo mite chung in sungtha’n; amau chun Jakob ne zo in, a nêk ua a val zaw nung unle, a chênnau a hisia dim dem nalai sêt ui.

JEREMIAH 14:2

Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

JEREMIAH 19:8

Chun, zia khawpi hi tizat um tak leh etzaw umlo tak in siam ing ka tin; a haw kha tapo in a siatnau huaisia tak ziak ah tiza’n, eulau khum chiat ta’n au.

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.

JEREMIAH 4:28

Ziaziakchun, lei in sûn intin, chung ah vante khi le thimtha ta’n au. Ka la guanggalsa chu, ka la gen ta’ngal a; ka gensa chu hei danglam ta pua’ng ka tin, thul diak pua’ng ka.

JEREMIAH 6:8

Aw Jerusalem, vauhilna hi ngai in, achutiloleh, hun nungngat ing ka tin, nutsia ah um in, kuama chên lo’na’n, hun siam mai ding ka hi.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

JEREMIAH 9:9

Zia haw zosia ziak ah chun gawt lo diak ding ka hem? Lalpa‘n a ti’n; zia gual namte chu, thuk lo thei ding ka hi em?

JOEL 1:10

Loute chu suksiat gam a hita’n, gam chu lei in a sûn hi; bu chu suksiat ahi zo ta’n, uain a kang in, sathau chu a bei zo tai.

THIAMPUTE LEKHABU 26:32

La gam uh hisia dim dem ing ka tin, zia tak ah chêng ding ah hung la mêlmateu nasan in lamdang sa’n au.

ZEKARIAH 7:5

Gam sung ah mizosia leh thiampute kiang in: “Zia kum sawm sagi zet sung ah tha nga’na leh tha sagi’na ah an la ngawl ua, sûnna la bawl sek uh kha, keima â ding mawng ah anngawl la hiu ah a hem?

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

ROMTE 8:22

Thilsiam zosia chu, nauvei nat thuak leh thûm leh mâu in tu’tiang ah hin a um ui ti I hiau hi.