JEREMIAH 11:7 - PATHIAN LEKHABU THIANGTHO (BSI)

⁷ Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 11:7 ပူးပေါင်းရင်းမြစ်များ

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

2 KHANGTHU 36:15

A pu leh pateu Pathian Lalpa chun, a mipite leh a chênna gam a lainat tun tun ziakin, a kiang ua thugen dingte chu a hun sawl ham ham sek a;

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

JEREMIAH 11:4

zia chu la pu leh pateu Aigupta gam ah, thîk hâltuina thukkhûk ah kipat ka puidaw lai ah, a kiang ua, ka thugen ngai unla, ka thupiak zosia hi la zui ding uh ahi. A chutileh, ka mite hin la tiu in, keile la Pathian uh hi’ng ka tin;

JEREMIAH 25:3

Kum sawmni leh thum sung, Judai gam ah Amon chapa, Lengpa Josiah a lalna kum sawm leh thumna kipat tu’ni tiang hin, Lalpa‘n ka kiang ah thu a gen zing a; zia thu chu gunchu tak in la kiang un ka la gen ta’n; himaleh, nang un vang la ngaitha nuam puau hi.

JEREMIAH 25:4

Lalpa‘n a suak jawlnei zosiate kha gunchu tak in hun sawl zing maleh, la limsak nuam puau a, la nakhang uh le la daw nuam puau hi.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

JEREMIAH 32:23

tichun, a lut ua gam chu a lua tau hi. Himaleh, la thu mang lo in, la dan le zui talo in, a bawl ding ua la thupiak zosia chu a zui ta puau a. Ziaziakchun, zia gual ah siatnate hi a chung un la tunsak a hita hi.

JEREMIAH 34:14

“Mitin in, a chipi Hebrai mi a kiang ah hung kizuaksa, la nasêm ua kum guk sung a pan nung un, a kum sagi’na sî’n leh la thâdaw sek ding uh ahi; la nau a sepnau ah kipat in la thâdaw tei tei diu ahi,” ti in. Himaleh, la pu leh pateu in ka gen a ngai puau ah, ka thugen chule a ngaitha puau hi.

JEREMIAH 35:14

Rekab chapa Jonadab in a suan leh pâkte him him in uain dawn lo ding ti thu a la piak chu a la mang tau ah; a pu bul uh thupiak chu a mat ziak un, tu’ni tiang hinle kuama uain dawn a um nai puau hi. Keima’n gunchu tak in la kiang un thu ka gen zing ah; maleh, ka thu la ngai puau in;

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

EPHESA 4:17

Ziaziakchun, zia hi Lalpa ah chun ka pom in ka phût la hiu: lungthim kisathei tak ah um, Jentelte gual in um ta kiu in.

DAN LEKHABU 12:32

Ka thupiak zosia, a kip a kawi ah zui dingin chingthei un; bangma belap kiu inla, lâk khen le nei kiu in.

DAN LEKHABU 30:20

la pu leh pateu Abraham, Isak leh Jakob kiang ah Lalpa‘n piak ding ah a la tiamna gam ah chun la hin nikhuau a sawt theina ding in, Lalpa la Pathian uh chu la hepiu ah, a thute la mat ua, ama bep chu la bêlchâk zing ding uh ahi.

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!

DAN LEKHABU 6:2

nangma leh la tû leh chateu in Lalpa la Pathian uh la lau ua, la dam sung siau a dan te leh a thupiakte la zui ua, la dam sung kumteu hi’sau a hitheina dingin.

DAN LEKHABU 8:6

Ziaziakchun, Lalpa la Pathian uh thupiakte chu zawm dingin, a lampite chu zui in ama lau ta un.

2 THESSALONITE 3:12

Ahi’n, zia gual mite chu thip hiau ah na sêm ding leh, amau an kinêk dingin Lalpa Jesu Khrista min in thu pia’n ka tîl uh ahi.

1 SAMUEL 8:9

Tu’hin vang a thugen uh ngaitha’n la, a chung un leng hung um leh bang gual hung hi ding a hiu em ti vang la hilchian piak ding ahi,” ti’n a hun gen tai.