JEREMIAH 11:6 - PATHIAN LEKHABU THIANGTHO (BSI)

⁶ Chun, Lalpa‘n ei dawnhu a: Zia thute zosia hi Judai gam ah khawpi zosia leh Jerusalem khawlai dung zosia’n va puangjak inla: Zia thuthung thute hi ngai unla, zui un.

JEREMIAH 11:6 ပူးပေါင်းရင်းမြစ်များ

SAM 15:5

a pung thangaina ziak ah dangka thunglâk sak ngai lo mi; mawna neilo lanna ding ah, golgûknale la ngai lo mite ngei chu. Zia gual mi chu bangtik lai inle kilîng pua’n a.

ISAI 58:1

Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.

JEREMIAH 19:2

Hinnom chapa phâijawl lam, Bêlhal kotpi ah chun pawtdok inla, zia tak ah chun ka thu hun hilte hi va puangjak in.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 7:2

Lalpa In kotbul ah dingin la, zia thu hi vagen in: Judai gam ah mi zosiate leh, zia kotkhak ah lut ah Lalpa ho ah hung zosiate haw, Lalpa thugen hi a la ngai un:

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

JOHAN 13:17

Zia thilte hi la het ua, la hun bawl ua leh hampha ma ma in lau.

ROMTE 2:13

Dan hete mai chu Pathian ma ah thiamchang ahi puau in, dan gual ah bawlte chu thiamchang in um zaw’n au.

DAN LEKHABU 4:1

Tu’hin, aw Israel mite haw, Lalpa, la pu leh pateu Pathian in a piakna gam chu dam ah la lût ua, la lua theina ding un ka dan thu leh ka thuguatte chu ngaisak ah la zui ding uh ahi.

DAN LEKHABU 4:5

Ngai un, la luana ding gam ua la zui zing ding un, Lalpa ka Pathian in thu ei piak dungzui in dante leh, thuthungte chu ka hun hil la hiu hi.

JAKOB 1:22

Thu chu ngaitha mai ah nangmau kithêm lo in, thu chu sêmdok zaw tau in.