JEREMIAH 11:20 - PATHIAN LEKHABU THIANGTHO (BSI)

²⁰ Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 11:20 ပူးပေါင်းရင်းမြစ်များ

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

2 LENGTE 19:14

Hezekiah chun zia a mi sawl ah kipat chun zia lekhathot chu a la mu phât in a sim a: Tichun, Hezekiah chu Lalpa In ah a chia to ah, Lalpa ma ah chun a kiphâniam tai.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

JOB LEKHABU 5:8

Keima’n vang Pathian hawl ing ka tin, Pathian ah chun ka chung thu nga’ng ka.

SAM 139:23

Aw Pathian, ngun tak in ei enchian inla, ka thinlung hi hechian ta’n; ei patep inla, ka ngaituanate hi hia’n.

SAM 35:2

Phawlian leh phawneu chu tu’n la, ei panpi dingin hung kipan ta’n.

SAM 43:1

Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

SAM 58:10

Midikte chun phuba lâkna, a mu phât uh leh kipak ta’n au; mi nunsiate thisan ah chun, a keng uh sil ta’n au.

SAM 7:10

Lungthim dik tak pute hukdokpa Pathian chu ka phaw ahi.

SAM 7:8

Lalpa‘n mite vai a hawm piak ah; Aw Lalpa, keima dikna leh phatna dungzui in vai ei hawm piak in.

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

JEREMIAH 12:1

Aw Lalpa, ka hun awimaw guat leh le, nang chu la dik him him hi; ahi’n la, kadot nop pakhat hun dong ing ka. Bang ding ah migilo lamzang a hem? Bang ding ah dawha phalo mite zosia, khangto sek a hiu em?

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 15:15

Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 17:18

Ei gawt gentheite mualpho uh hen la, kei vang ei mualphosak kin; amau chu lungdong uh hen la, kei vang ei lungdonsak kin. A chung un siatna ni tunsak inla, a le’ni in siatna tunsak in!

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

KÂ LATE 3:58

Aw Lalpa, ka chung thu lei ngaitua piak ah, ka hinna la hukhing tai.

KÂ LATE 3:59

Aw Lalpa, ka chung ah siatna kibawl la mu ta’n, ka chung thu hun tan in.

KÂ LATE 3:64

Aw Lalpa, a thilbawl gûn uh, a khut ngei ua a bawl dungzui un, a chung un thuk in!

EZEKIEL 11:5

Ziaphatchun, Lalpa thagau in ei hun thuam ah, ka kiang in, Lalpa‘n zia gual hin a gen hi, ti’n la: “Aw Israel Inkuante haw, la lungthim ua la ngaituanau chu ka hia’i.

NASEPTE 17:31

ama’n ni a tep ziakin, ziaphat chuleh, a mi guat chu lei ah mite dik tak in vaihawm piak in a, Pathian in ama chu mithi lak ah kipat kaitho in, mi zosia kiang ah a hiatsak tai, a tia.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

1 SAMUEL 24:15

Ziaziakchun, nang tawh kei chungchâng ah hin Lalpa‘n vaihawm hen la, a dik leh a maw khen ta hen. Enchian hen la, ei panpi in, nang ah kipat in ei hukdok ta hen! ti’n a gen tai.