JEREMIAH 11:15 - PATHIAN LEKHABU THIANGTHO (BSI)

¹⁵ Zia gual tuk ah chu thil phalo a bawl zing lai un, ka ngainat ma ma te chun ka In sung ah bang thuneina nei nalai ding a hiu em? kipau tiamna leh kithoina sate chun la chung ua siatna tung ding chu heimang thei ding la kisau ah a hem? Ki-ân tak ah um thei nalai ding maw?

JEREMIAH 11:15 ပူးပေါင်းရင်းမြစ်များ

SAM 50:16

Mi nunsia kiang ah Pathian in: ‘Bang ding ah ka dan thute la kam ah sua thei ah, ka thuthung la mûk ah gen thei la hem?

SAM 60:5

La doisakte humbit ah a umtheina ding un, la khut changlam in zaw’na ei pia’n la, ei hun dawnhu ta’n.

THUPILTE 10:23

Mingolte’n thil phalo bawl hi, kitualthawna nuam in a ngai un; ahi’n, hetthiamna nei mi chun, pilna a kipakpi sek hi.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

THUPILTE 2:14

thil phalo bawl a kithalawp un, thil mantheilo mai mai bawl chu a kipaknau ahi;

THUPILTE 21:27

Migilo kithoina chu luaksuak um tak ahi’n; ngaituana phalo pum ah a thillat hun chawi vang chu, bang gual bep in a luaksuak a um ta diam!

THUPILTE 26:18

A Invêngte zuau ah bawl ah, “Ka tawtna ahi,” tipa chu,

THUPILTE 28:9

Dan le ngaisak talo mi chu, a pauchapna le ki’dak um ahi.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

JEREMIAH 12:7

Ka In hi ka nusia ta’n, ka gote le ka taisan tai; ka lunggil tak ah ka dawi takte chu, a mêlmateu khut in ka pedok tai.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 23:11

Jawlnei chunle thiampu gual tho in, Pathian a ngaisak ta puau a; ka In sung natiang in a nunsiatnau chu ka mu tai, Lalpa‘n a tii.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 3:8

ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

HOSEA 3:1

Lalpa‘n ka kiang in, “Chia inla, Israel mite’n pathian dang kiang lam ah ei kiheisan in, grep ho vaithumte ngaina ziang maleu, Lalpa‘n amau a hepi tei tei gual in, jawlsai leh ângkawm lai numei pakhat vahepi in,” a ti kit a.

MATTHAI 22:11

Himaleh, lengpa chu a mi chialte en ding ah a hung lut leh, mi pakhat kichenna puan sil lo a hung mu ta’n;

LUKA 8:28

Jesu a hun mu phât in a kiko ah, a ma-âng in a bokkhup ah, aw ngai tak in, “Jesu, Chungnung pen Pathian Chapa, bang ei law ding ah hung la hem? Ei sawisa lo dingin ka don la hi,” a tia.

ROMTE 11:28

Chanchinpha lam thu ah chun, nangmau ziakin amau chu Pathian mêlma a hung hiphot un; himaleh têl hi’na lam thu ah chun, a pu le pateu jal in vang a doitakte a hiu hi.

1 KORINTH 13:6

dik lona a kipakpi pua’n, thutak vang a kipakpi sek hi;

TITA 1:15

Mithiangtho â dingin bangkim a thiangtho ah; himaleh, mibuakte leh ginglote â dingin vang bangma a thiang a um puai; a lungthim uh leh a sia leh pha hetnau nangawnle a buak tai.

JAKOB 4:16

La chaponateu chu la suang zawu ah, zia gual kisuanna zosia chu a pha puai.