JEREMIAH 11:10 - PATHIAN LEKHABU THIANGTHO (BSI)

¹⁰ Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 11:10 ပူးပေါင်းရင်းမြစ်များ

SAM 78:57

kihei mangsan nalai in, a pu leh pateu gual ah, ginum lo tak in a gamta tau ah; thalpi lamzang lo gual in a pêt kawi tau hi.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 17:23

Chutisapi’nle, la pu leh pateu khan a la ngaisak nuam puau ah; a lung uh hi’tâk in, a la ngaisak nuam lo in, ka hilna thu a mang puau hi.

JEREMIAH 22:9

Ziaphat chuleh, “A Lalpa Pathian uh thuthung khawksa lo ah, pathian dangte bia’n, a na a sepsan ziak un ahi,” a la ti’n au.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

JEREMIAH 44:5

Himaleh, a pathian dangteu kiang ah kithoina lân talo ding leh, a nunsiatnau haisan ding ah ka dotna ei ngaisak lo ah, a bil unle a ngai nuam puau a.

JEREMIAH 7:28

A kiang un zia gual hin la gen ding ahi: Zia namte hin Lalpa, a Pathian uh thu gen a ngaisak puau in, a thu le a mang puau hi; a lak un thu dikna a um ta pua’n, a kam unle a suadok ta puau hi.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

EZEKIEL 16:59

Lalpa Pathian in zia gual hin a gen a: Thutiamna musit ah, thuthung botsete chu a thilbawl gual gual un a chung un hun bawl thuk ding ka hi;

EZEKIEL 44:7

gamdang mite la hun pui lût un, lungthim leh taksa ah le zektanlote, ka nêk ding sathau leh thisan lei piak phat uh leh, ka mun thiangtho ah lût in, la subuak zo tau a. La thilbawl uh ki’dak um takte bep le hilo in, ka thuthung la botsia nalai un.

EZEKIEL 5:6

Himaleh, ka dan leh thuguatte bawtsia’n, a kîmvêl ah nam dangte leh, gam dang mite zosia sâng ah nunsia zaw a um tâk ziak un, ka dan leh thuguatte pâmpai in, ka dan siamte a zui nuam ta puau hi.

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

THIAMPUTE LEKHABU 26:15

ka dan bawlte musit ah, ka dante la ningtel ua, ka thupiak zosia bawl lo ah, la baw siat uh chun;

ZEPHANIAH 1:6

Lalpa zuina pat kinungheite Lalpa hawl talo ah, ama kansui talote zosia chu, sumangthai ding ka hi.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

ZEKARIAH 7:11

Himaleh, a ngaisak nuam puau ah, a kiu uh a sang pawm ua, a hetlo’na ding un a bil uh a hûm tau a.

ZEKARIAH 7:13

Amau ka ko lai ah ei ngaisak lo gual un, ke’nle ei hun ko phat uh leh ngaisak lo ding ka hi, sepai honte Lalpa chun a tii;

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.

HEBRAITE 8:9

a pu leh pateu Aigupta gam ah kipat, puidok ah a khut ua ka kaibât lai gual kha hitalo in, ka thuthung a jawm pawngal un; ziaziakchun, ka ngaisak tâk lo ahi,’ Lalpa‘n a ti’n.

VAIHAWMTE 2:11

Ziaphatchun, Israelte’n Baal hun ho in, Lalpa mit mu ah thil phalo tak a hun bawl tau a;

VAIHAWMTE 2:17

Ahi’n la, a vaihawmteu thu nasan a ngaisak nuam ta puau ah; pathian dang a lunggul zawk ziak un, ziate chu chibai a buksan zaw tau hi. A pu leh pateu in Lalpa thupiak zui ah a chianau lampi chu a kiheimangsan tau ah; a sulnung uh chu a zui ta puau hi.

VAIHAWMTE 2:19

Himaleh, a vaihawmteu thi zaw si’n leh a puk kit ua, a pu leh pateu sâng ah gilo zaw ah um in, pathian dang a ho ua, ziate chu bokkhup in chibai a bûk tau a. A thilbawl uh phalo leh a lochalnau lampi chu a haisan nuam puau hi.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.