JEREMIAH 10:8 - PATHIAN LEKHABU THIANGTHO (BSI)

⁸ Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 10:8 ပူးပေါင်းရင်းမြစ်များ

SAM 115:8

A siampa tawh a thilsiamte chu a kibang bep un, amau gingchate le zia gual ma chu a hiu.

SAM 135:18

Ziate chu siam ah gingcha taphot chu, ziate gual tho chu a hiu.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 44:18

Amau chun bangma a hepuau ah, hettheina le a nei puau hi; khua a mu theilona ding un a mit uh a sîng un; a het theilona ding un a lungthim uh chule hithim piak a hiu.

ISAI 44:19

Khat chale, “A kimkhat thing in ka tik in, a meiâm chung in le vaithum ka kang ah, sale ka em ah, ka ne ta’n. Tu’hin a dang cheng chu ki’dak um tak in ka siam hilo a hem? Thingbong khat âng ah khiangkho mai ding ka hem?” ti ngaitua ah, hethiam leh hetna nei a um puau hi.

JEREMIAH 10:14

Mi tin chu mimawl leh hetna bei a hiu; sana sêkte chule a milim siamteu ziakin, sukmualpho in a um tau hi; a milim siam uh chu hinna nei lo, kithepna ngen ahi ngal a.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 3:9

Zawntat thanhuaina chu bangma’n a ngai lo ziakin, gam chu a supolche zo ta’n, suangpi tin leh thing zosia chu a thânhuaipi zo tai.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:4

Ziaphatchun keima’n, “Zia mite hi migenthei leh, ngaituana neilote a hiu hilam e, Lalpa lampite leh a Pathian dan uh chu a hepuau hi.

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

JONAH 2:8

Milim manthei lo ho te chun, a ginumnau a kilepsan zo tau hi.

HABAKKUK 2:18

Milim kisung, zuau thu zilsakte bep lo ngâl, a siampa’n bang ding ah a siam a hem? Milim mai mai leh pautheilo, a siampa’n a khutsuak a taksan mai chu aw!

ZEKARIAH 10:2

A Inkuan pathianteu chun thu man lo mai mai a gen sek un, âisânte chunle zuau thu bep a muu in; mangsânte’nle mang diklote gen in, a thamuanna thugen uh a thawn mai ahi. Ziaziakchun, mipite chu belam gual in a vak jak zo tau a; belamching ding tâksap ziakin a thuak gim zo tau hi.