JEREMIAH 10:7 - PATHIAN LEKHABU THIANGTHO (BSI)

⁷ Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

JEREMIAH 10:7 ပူးပေါင်းရင်းမြစ်များ

2 LENGTE 17:39

Ahi’n, Lalpa la Pathian uh bep chu la ho ding uh chu a hia; tichun, ama chun la mêlmateu zosia khut ah kipat chun hun hukdok ding ahi,” ti’n a la hil hi.

1 KHANGTHU 16:25

Lalpa chu a lopi ma ma ziakin, nasa tak ah pakchat ding ahi’n; pathian dang zosiate sâng ah ja zawk ding ahi.

ESTHER 1:13

Ziaphatchun, lengpa chun dan leh mual thiamte chu a dong ah, dan leh vaihawm dan thiamte chu zia gual chun lengpa’n a la dot leh ho sek him ahi’n;

SAM 147:5

I Lalpau chu a lopi hen, thilhitheina lam ah le nasa tak ahi; a pilna chu tawp nei lo ahi.

SAM 22:28

Chungnunna chu Lalpa â ahi’n, nam tin chung ah vaihawmpa ahi ngal a.

SAM 47:3

Ama’n namtinte chu ei zaw sak a, namtin I keng nuai un ei chot densak tai.

SAM 72:11

Leng zosia a ma’n hung khiangkho uh hen la; nam zosia’n a na hung sêm uh hen.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

SAM 89:6

Vante ah khin Lalpa tawh te’pi thei ding kua a hem um? Van ah umte lak ah Lalpa tawhbang kua a hem um ah,

PAWTDAWNA THU 8:10

Ama chun, “Jing leh,” a tia. Mosi’n, “La ti gual ah chun hi hen: tichun, Lalpa ka Pathian uh tawhbang hi a um puai ti la hiattheina dingin.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

JEREMIAH 10:6

Aw Lalpa, nangma gual him kuama a um puai, la lopi in, la min chu hatna’n ahi’lopi hi.

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

DANIAL 2:27

Danial in lengpa kiang in, “Lengpa’n mipilte, dawithiamte, mitvaidawi thiamte leh âisân thiamte kiang ah thugûk hilchian ding ah a dot hi kuama’n hil thei pua’n au;

DANIAL 2:28

himaleh, van ah Pathian pakhat, thugûk zosia taklang sek a um in, ama chun khawvel huntawp ding lam ah bang gual ah thil hung um ding ahi em ti Lengpa Nebukadnezar kiang in a hun hiatsak ahi chu. Lupna chung ah la lup ah, la mang leh kilâkna la mu chu ziate hi a hiu:” a tia.

HABAKKUK 3:2

Aw Lalpa, la minthanna thu ka la he ta hen; aw Lalpa, la thilbawl tiza in ka ding mai hi. Keimau hun sung in hun hi’hal kit inla, ka hun sung ma mau hin hun hiatsak inla; la lungnatna tawp khawk inle ja’ngaina hemil kin.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

LUKA 12:5

la lau ding uh chu ka hun hil masa ahi: A hun thalup nung ah le gawtmun ah hun pai lut thei nalai chu la lau diu ahi.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

JOSHUA 4:24

tichun, lei chung ah nam zosia’n Lalpa bân thahat dan a het ua, nanghaw’n le Lalpa la Pathian uh kumtuang ah la lau zing theina ding un ahi,” ti’n a gen tai.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.