JEREMIAH 10:6 - PATHIAN LEKHABU THIANGTHO (BSI)

⁶ Aw Lalpa, nangma gual him kuama a um puai, la lopi in, la min chu hatna’n ahi’lopi hi.

JEREMIAH 10:6 ပူးပေါင်းရင်းမြစ်များ

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

1 KHANGTHU 16:25

Lalpa chu a lopi ma ma ziakin, nasa tak ah pakchat ding ahi’n; pathian dang zosiate sâng ah ja zawk ding ahi.

NEHEMIAH 4:14

Thil umdante chu ka etchian nung in, ka dingdok ah, miliante, vaihawm mite leh mipi zosia kiang ah chun, “Amau lawi chu lau him him kiu in. Lalpa a lopi dan leh a lau um dante chu hezing un; la chanauteu, la chapateu, la chanuteu, la jiteu leh la Inteu hûk dingin gâl chu do un,” ti’n ka gen a.

NEHEMIAH 9:32

Ziaziakchun, tu’hin ka Pathian uh, Pathian lopi leh Bangkim bawlthei, lau um, thuthung hezing ah, ja’ngaina ah dim chun, kei uh chung leh ka lengteu, ka pu leh pateu leh la mite zosia chung ah, Assuria lengte hun ah kipat tu’ni tiang ah haksatna ka tuakteu hi ngainêp ziang kin la;

SAM 145:3

Lalpa chu a lopi hen, lopi tak ah pâk ding ahi; a lopi dan chu suidaw sên ding gual ahi puai.

SAM 147:5

I Lalpau chu a lopi hen, thilhitheina lam ah le nasa tak ahi; a pilna chu tawp nei lo ahi.

SAM 35:10

Ka gu leh châng zosia hin: “Aw Lalpa, nang in migenthei chu, a la’n zaw guallote lak ah kipat in la hukdok in, genthei leh tasamte amau hi’gampa lak ah hukhingpa, nangma gual kua a hem um ngai,” hun ti’n au.

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

SAM 96:4

Lalpa chu a lopi ziakin nasa tak ah pâk ding ahi; pathian dang zosia sâng ah nasa tak ah ja ding ahi.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 8:10

Ama chun, “Jing leh,” a tia. Mosi’n, “La ti gual ah chun hi hen: tichun, Lalpa ka Pathian uh tawhbang hi a um puai ti la hiattheina dingin.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 40:18

Pathian chu kua tawh la te’ a, ahiloleh, bang lim tawh a kipua em?

ISAI 40:25

Kua tawh lei têpi diam uh? Kua a hem ka kibatpi? Mi Thiangthopa chun a tii.

ISAI 46:5

Kua tawh ei te’ ding ah, ka kibatpi ding siam ding la hiu a, ei vak te’ mawng mawng tiam un? Kua ka kibatpi a um em?

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

DANIAL 4:3

A tepte’na bawlte chu a lamdang in, a thilmak bawlte chu a hatna e! A lenggam chun kumtuang a dai in, a lalna chu khang zosia â ding ahi.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

DAN LEKHABU 32:31

A dik tak in amau suangpi chu, ei uh Suangpi tawhbang ahi puai; I mêlmateu chu mingol ngen a hiu.

DAN LEKHABU 33:26

Aw Jeshurun, nang hung panpi ding ah, vante ah chuang in, chung lam vandum khêl ah, lopi tak ah um Pathian tawh bang dang a um puai.