JEREMIAH 10:5 - PATHIAN LEKHABU THIANGTHO (BSI)

⁵ A milimteu chu changmai lei ah, va-ak honna ding milim kisiam gual ahi’n, a pau thei puau a; chia chawn theilo a hiziak un, puak tawl tawl a ngai ui. Ziate haw chu lau kiu in, thil phalo a bawlthei puau ah, thilpha bawltheina le a nei diak puau hi.

JEREMIAH 10:5 ပူးပေါင်းရင်းမြစ်များ

1 LENGTE 18:26

Tichun, amau chun bawngchal a piak uh chu a lau ah a bawl ua; tichun, jingkal ah kipat sûn chan in Baal min a ko tau ah, “Aw Baal, ei dawnhu in!” ti’n a kiko ua. Himaleh, awgit a um pua, dawnhu’na le a um diak puai. A mâichâm siam uh kîmvêl ah chun a kidiang vêl ziang tau a.

2 KHANGTHU 25:15

Amaziah chung in Lalpa a lungna ta’n, a kiang in jawlnei pakhat a sawl ah, a kiang in zia gual hin thu a vagen a: “Bang ding ah nam dangte pathian, nangma khut ah bawn amau hukdok thei lo haw po chu ho ah kithêm lungdam mai mai la hiu em?” a vati’n.

ISAI 16:12

Moab chu lungdong ah a thoimual ah a hung phat leh, pauchap leh le lawting pua’n a.

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 46:1

Bêl chu a kûntha’n, Nebo chu a chutha suk ta’n; a milimteu chu gancha leh gan honte’n a puau a; zia la thil lim puak tawl tawlteu kha, gancha’n gim tak ah a puak ding bep uh, a hung hi zo tau hi.

ISAI 46:7

A liangko ah sepdok in a puau a, a umna ding mun un a tung un, zia chun a ding den tau a; a umnau kipat in a chia chawn thei ta puau hi. Mi khat in bang gual in ko maleh, a dawnhu thei pua’n, a lungkhamnau ah kipat in a hukdok thei puai.

JEREMIAH 10:14

Mi tin chu mimawl leh hetna bei a hiu; sana sêkte chule a milim siamteu ziakin, sukmualpho in a um tau hi; a milim siam uh chu hinna nei lo, kithepna ngen ahi ngal a.

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.

1 KORINTH 12:2

Pathian awi lo la hi’lai uh khan, thep ah um in milim pau theilote lam ah puiman la hiu kha la hiau hi.

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.

DAN LEKHABU 4:28

Zia tak ah chun, khut ah siamkawm thing leh suangte, muthei lo, ho thei lo, ne thei lo, gimle hethei lo, pau thei lo milim kisiam pathiante hun ho in la tiu in;